Surya Ashtakam

आदिदेव नमस्तुभ्यं प्रसीद मम भास्कर। दिवाकर नमस्तुभ्यं प्रभाकर नमोऽस्तु ते॥१॥ सप्ताश्वरथमारूढं प्रचण्डं कश्यपात्मजम्। श्वेतपद्मधरं देवं तं सूर्यं प्रणमाम्यहम्॥२॥ लोहितं रथमारूढं सर्वलोकपितामहम्। महापापहरं देवं तं सूर्यं प्रणमाम्यहम्॥३॥ त्रैगुण्यं च महाशूरं ब्रह्मविष्णुमहेश्वरम्। महापापहरं देवं तं सूर्यं प्रणमाम्यहम्॥४॥ बृंहितं तेजसां पुञ्जं वायुमाकाशमेव च। प्रभुं च सर्वलोकानां तं सूर्यं प्रणमाम्यहम्॥५॥ बन्धूकपुष्पसंकाशं हारकुण्डलभूषितम्। एकचक्रधरं देवं तं सूर्यं प्रणमाम्यहम्॥६॥ तं सूर्यं जगतां नाथं ज्ञानविज्ञानमोक्षदम्। महापापहरं देवं तं सूर्यं प्रणमाम्यहम्॥७॥ सूर्याष्टकं पठेन्नित्यं ग्रहपीडाप्रणाशनम्। अपुत्रो लभते पुत्रं दरिद्रो धनवान् भवेत्॥८॥

Aadidev Namastubhyam Praseeda Mama Bhaaskara Divaakara Namastubhyam Prabhaakara Namostute ||1|| Saptaashva Rathamaaroodham Prachandam Kashyapaatmajam Shvetapadmadharam Devam Tam Sooryam Pranamaamyaham ||2|| Lohitam Rathamaaroodham Sarvaloka Pitaamaham Mahapaapaharam Devam Tam Sooryam Pranamaamyaham ||3|| Traigunyam Cha Mahaashoorum Brahma Vishnu Maheshvaram Mahapaapaharam Devam Tam Sooryam Pranamaamyaham ||4|| Brumhitam Tejasaam Punjam Vaayumaakaaashameva Cha Prabhum Cha Sarvalokaaanaam Tam Sooryam Pranamaamyaham ||5|| Bandhooka Pushpa Sankaasham Haara Kundala Bhooshitam Ekachakradharam Devam Tam Sooryam Pranamaamyaham ||6|| Tam Sooryam Jagataam Naatham Jnaana Vijnaana Mokshadam Mahapaapaharam Devam Tam Sooryam Pranamaamyaham ||7|| Sooryaashtakam Pathennityam Graha Peedaa Pranaashanam Aputro Labhate Putram Daridro Dhanavaan Bhavet ||8||