Sankatanashana Ganesha Stotram

प्रणम्य शिरसा देवं गौरीपुत्रं विनायकम्। भक्तावासं स्मरेन्नित्यमायुःकामार्थसिद्धये॥१॥ प्रथमं वक्रतुण्डं च एकदन्तं द्वितीयकम्। तृतीयं कृष्णपिङ्गाक्षं गजवक्त्रं चतुर्थकम्॥२॥ लम्बोदरं पञ्चमं च षष्ठं विकटमेव च। सप्तमं विघ्नराजेन्द्रं धूम्रवर्णं तथाष्टमम्॥३॥ नवमं भालचन्द्रं च दशमं तु विनायकम्। एकादशं गणपतिं द्वादशं तु गजाननम्॥४॥ द्वादशैतानि नामानि त्रिसन्ध्यं यः पठेन्नरः। न च विघ्नभयं तस्य सर्वसिद्धिकरं प्रभो॥५॥ विद्यार्थी लभते विद्यां धनार्थी लभते धनम्। पुत्रार्थी लभते पुत्रान् मोक्षार्थी लभते गतिम्॥६॥ जपेद्गणपतिस्तोत्रं षड्भिर्मासैः फलं लभेत्। संवत्सरेण सिद्धिं च लभते नात्र संशयः॥७॥ अष्टभ्यो ब्राह्मणेभ्यश्च लिखित्वा यः समर्पयेत्। तस्य विद्या भवेत्सर्वा गणेशस्य प्रसादतः॥८॥ ॥ इति श्रीनारदपुराणे संकटनाशनं गणेशस्तोत्रं सम्पूर्णम् ॥

Pranamya Shirasa Devam Gauriputram Vinayakam Bhaktavasam Smaren Nityam Ayuh Kamartha Siddhaye ||1|| Prathamam Vakratundam Cha Ekadantam Dviteeyakam Tritiyam Krishna Pingaksham Gajavaktram Chaturthakam ||2|| Lambodaram Panchamam Cha Shashtham Vikatameva Cha Saptamam Vighnarajendram Dhumravarnam Tathaashtamam ||3|| Navamam Bhalachandram Cha Dashamam Tu Vinayakam Ekadasham Ganapatim Dvadasham Tu Gajananam ||4|| Dvadashai Tani Namani Trisandhyam Yah Pathen Narah Na Cha Vighna Bhayam Tasya Sarvasiddhikaram Prabho ||5|| Vidyarthi Labhate Vidyam Dhanarthi Labhate Dhanam Putrarthi Labhate Putran Moksharthi Labhate Gatim ||6|| Japed Ganapati Stotram Shadbhir Masaih Phalam Labhet Samvatsarena Siddhim Cha Labhate Natra Samshayah ||7|| Ashtabhyo Brahmanebhyash Cha Likhitva Yah Samarpayet Tasya Vidya Bhavet Sarva Ganeshasya Prasadatah ||8|| || Iti Sri Narada Purane Sankatanashnam Ganesha Stotram Sampoornam ||