Ganapati Atharvashirsha

॥ श्रीगणपत्यथर्वशीर्षम् ॥ ॐ भद्रं कर्णेभिः शृणुयाम देवाः। भद्रं पश्येमाक्षभिर्यजत्राः। स्थिरैरङ्गैस्तुष्टुवांसस्तनूभिः। व्यशेम देवहितं यदायुः। ॐ नमस्ते गणपतये। त्वमेव प्रत्यक्षं तत्त्वमसि। त्वमेव केवलं कर्तासि। त्वमेव केवलं धर्तासि। त्वमेव केवलं हर्तासि। त्वमेव सर्वं खल्विदं ब्रह्मासि। त्वं साक्षादात्मासि नित्यम्॥ ऋतं वच्मि। सत्यं वच्मि॥ अव त्वं माम्। अव वक्तारम्। अव श्रोतारम्। अव दातारम्। अव धातारम्। अवानूचानमव शिष्यम्। अव पश्चात्तात्। अव पुरस्तात्। अवोत्तरात्तात्। अव दक्षिणात्तात्। अव चोर्ध्वात्तात्। अवाधरात्तात्। सर्वतो मां पाहि पाहि समन्तात्॥ त्वं वाङ्मयस्त्वं चिन्मयः। त्वमानन्दमयस्त्वं ब्रह्ममयः। त्वं सच्चिदानन्दाद्वितीयोऽसि। त्वं प्रत्यक्षं ब्रह्मासि। त्वं ज्ञानमयो विज्ञानमयोऽसि॥ सर्वं जगदिदं त्वत्तो जायते। सर्वं जगदिदं त्वत्तस्तिष्ठति। सर्वं जगदिदं त्वयि लयमेष्यति। सर्वं जगदिदं त्वयि प्रत्येति। त्वं भूमिरापोऽनलोऽनिलो नभः। त्वं चत्वारि वाक्पदानि॥ त्वं गुणत्रयातीतः। त्वं अवस्थात्रयातीतः। त्वं देहत्रयातीतः। त्वं कालत्रयातीतः। त्वं मूलाधारस्थितोऽसि नित्यम्। त्वं शक्तित्रयात्मकः। त्वां योगिनो ध्यायन्ति नित्यम्। त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं वायुस्त्वं सूर्यस्त्वं चन्द्रमास्त्वं ब्रह्मभूर्भुवःस्वरोम्॥ गणादिं पूर्वमुच्चार्य वर्णादिं तदनन्तरम्। अनुस्वारः परतरः। अर्धेन्दुलसितम्। तारेण ऋद्धम्। एतत्तव मनुस्वरूपम्। गकारः पूर्वरूपम्। अकारो मध्यमरूपम्। अनुस्वारश्चान्त्यरूपम्। बिन्दुरुत्तररूपम्। नादः सन्धानम्। संहिता सन्धिः। सैषा गणेशविद्या। गणक ऋषिः। निचृद्गायत्रीच्छन्दः। गणपतिर्देवता। ॐ गं गणपतये नमः॥ एकदन्ताय विद्महे वक्रतुण्डाय धीमहि। तन्नो दन्ती प्रचोदयात्॥ एकदन्तं चतुर्हस्तं पाशमङ्कुशधारिणम्। रदं च वरदं हस्तैर्बिभ्राणं मूषकध्वजम्॥ रक्तं लम्बोदरं शूर्पकर्णकं रक्तवाससम्। रक्तगन्धानुलिप्ताङ्गं रक्तपुष्पैः सुपूजितम्॥ भक्तानुकम्पिनं देवं जगत्कारणमच्युतम्। आविर्भूतं च सृष्ट्यादौ प्रकृतेः पुरुषात्परम्॥ एवं ध्यायति यो नित्यं स योगी योगिनां वरः॥ नमो व्रातपतये। नमो गणपतये। नमः प्रमथपतये। नमस्ते अस्तु लम्बोदराय एकदन्ताय विघ्ननाशिने शिवसुताय श्रीवरदमूर्तये नमः॥ सहस्रशीर्षा पुरुषः। सहस्राक्षः सहस्रपात्। स भूमिं विश्वतो वृत्वा। अत्यतिष्ठद्दशाङ्गुलम्॥ यो जागार तमृचः कामयन्ते। यो जागार तमु सामानि। यो जागार तमु गाथिनो। यो जागार तं यज्ञो नयन्ति। योऽपां सम्भवमादित्यं ये वा उपासते। ॥ ॐ शान्तिः शान्तिः शान्तिः ॥

|| Sri Ganapati Atharvashirsham || Om Bhadram Karnebhih Shrunuyama Devah Bhadram Pashyemakshabhir Yajatrah Sthirair Angais Tushtuvaamsas Tanubhih Vyashema Devahitam Yad Ayuh Om Namaste Ganapataye Tvameva Pratyaksham Tattavamasi Tvameva Kevalam Kartasi Tvameva Kevalam Dhartasi Tvameva Kevalam Hartasi Tvameva Sarvam Khalvidam Brahmasi Tvam Sakshadatmasi Nityam Ritam Vachmi Satyam Vachmi Ava Tvam Mam Ava Vaktaram Ava Shrotaram Ava Dataram Ava Dhataram Avanuchanam Ava Shishyam Ava Pashchattat Ava Purastat Avottarattat Ava Dakshinattat Ava Chordhvattat Avadharattat Sarvato Mam Pahi Pahi Samantat Tvam Vangmayas Tvam Chinmayah Tvam Anandamayas Tvam Brahmamayah Tvam Sachchidananda Advitiyosi Tvam Pratyaksham Brahmasi Tvam Jnanamayo Vijnanamayosi Sarvam Jagadidam Tvatto Jayate Sarvam Jagadidam Tvattas Tishthati Sarvam Jagadidam Tvayi Layameshyati Sarvam Jagadidam Tvayi Pratyeti Tvam Bhumir Apo Analo Anilo Nabhah Tvam Chatvari Vakpadani Tvam Gunatrayatitah Tvam Avastha Trayatitah Tvam Dehatrayatitah Tvam Kalatrayatitah Tvam Muladharasthitosi Nityam Tvam Shakti Trayatmakah Tvam Yogino Dhyayanti Nityam Tvam Brahma Tvam Vishnus Tvam Rudras Tvam Indras Tvam Agnis Tvam Vayus Tvam Suryas Tvam Chandramas Tvam Brahma Bhur Bhuvah Svarom Ganadim Purvam Uchcharya Varnadim Tadanantaram Anusvarah Paratarah Ardhendulasitam Tarena Riddham Etat Tava Manu Svarupam Gakarah Purvarupam Akaro Madhyamarupam Anusvarash Chantyarupam Bindur Uttararupam Nadah Sandhanam Samhita Sandhih Saisha Ganesha Vidya Ganaka Rishiph Nichrid Gayatri Chhandah Ganapatir Devata Om Gam Ganapataye Namah Ekadantaya Vidmahe Vakratundaya Dheemahi Tanno Danti Prachodayat Ekadantam Chaturhastam Pasham Ankusha Dharinam Radam Cha Varadam Hastair Bibhranam Mushaka Dhvajam Raktam Lambodaram Shurpa Karnakam Raktavasasam Rakta Gandhanuliptangam Raktapushpaih Supoojitam Bhaktanukampinam Devam Jagatkaranam Achyutam Avirbhutam Cha Srishtyaadau Prakriteh Purushatparam Evam Dhyayati Yo Nityam Sa Yogi Yoginam Varah Namo Vratapataye Namo Ganapataye Namah Pramathapataye Namaste Astu Lambodaraya Ekadantaya Vighnanaashine Shivasutaya Shri Varada Murtaye Namah Sahasrasheersha Purushah Sahasrakshah Sahasrapat Sa Bhumim Vishvato Vritva Atyatishthad Dashangulam Yo Jagara Tamrichah Kamayante Yo Jagara Tamu Samani Yo Jagara Tamu Gathino Yo Jagara Tam Yajno Nayanti Yopam Sambhavam Adityam Ye Va Upasate || Om Shantih Shantih Shantih ||