Ganesha Pancharatnam

मुदाकरात्तमोदकं सदा विमुक्तिसाधकं कलाधरावतंसकं विलासिलोकरक्षकम्। अनायकैकनायकं विनाशितेभदैत्यकं नताशुभाशुनाशकं नमामि तं विनायकम्॥१॥ नतेतरातिभीकरं नवोदितार्कभास्वरं नमत्सुरारिनिर्जरं नताधिकापदुद्धरम्। सुरेश्वरं निधीश्वरं गजेश्वरं गणेश्वरं महेश्वरं तमाश्रये परात्परं निरन्तरम्॥२॥ समस्तलोकशंकरं निरस्तदैत्यकुञ्जरं दरेतरोदरं वरं वरेभवक्त्रमक्षरम्। कृपाकरं क्षमाकरं मुदाकरं यशस्करं मनस्करं नमस्कृतां नमस्करोमि भास्वरम्॥३॥ अकिञ्चनार्तिमार्जनं चिरन्तनोक्तिभाजनं पुरारिपूर्वनन्दनं सुरारिगर्वचर्वणम्। प्रपञ्चनाशभीषणं धनञ्जयादिभूषणं कपोलदानवारणं भजे पुराणवारणम्॥४॥ नितान्तकान्तदन्तकान्तिमन्तकान्तकात्मजं अचिन्त्यरूपमन्तहीनमन्तरायकृन्तनम्। हृदन्तरे निरन्तरं वसन्तमेव योगिनां तमेकदन्तमेव तं विचिन्तयामि सन्ततम्॥५॥ महागणेशपञ्चरत्नमादरेण यो अन्वहं प्रजल्पति प्रभातके हृदि स्मरन्गणेश्वरम्। अरोगतामदोषतां सुसाहितीं सुपुत्रतां समाहितायुरष्टभूतिमभ्युपैति सोऽचिरात्॥

Mudakaratta Modakam Sada Vimukti Sadhakam Kaladharavatamsakam Vilasi Loka Rakshakam Anayakaika Nayakam Vinashitebha Daityakam Natashubhashu Nashakam Namami Tam Vinayakam ||1|| Natetarati Bheekaram Navoditarka Bhasvaram Namat Surari Nirjaram Natadhikapadud Dharam Sureshvaram Nidhishvaram Gajeshvaram Ganeshvaram Maheshvaram Tamashraye Paratparam Nirantaram ||2|| Samasta Loka Shankaram Nirasta Daitya Kunjaram Daretarodaram Varam Varebhavaktram Aksharam Kripakaram Kshamakaram Mudakaram Yashaskaram Manaskaram Namaskritam Namaskaromi Bhasvaram ||3|| Akinchanaarti Marjanam Chirantanokti Bhajanam Purari Purva Nandanam Surari Garva Charvanam Prapancha Nasha Bhishanam Dhananjayadi Bhushanam Kapoladana Varanam Bhaje Purana Varanam ||4|| Nitanta Kanta Danta Kanti Mantakanta Katmajam Achintya Rupam Antaheenam Antaraya Krintanam Hridantare Nirantaram Vasantam Eva Yoginam Tamekadantam Eva Tam Vichintayami Santatam ||5|| Maha Ganesha Pancharatnam Adarena Yo Anvaham Prajalpati Prabhatake Hridi Smaran Ganeshvaram Arogatam Adoshatam Susahitim Suputratam Samahitayur Ashta Bhutim Abhyupaiti Sochirat ||