Narmadashtakam

सबिन्दुसिन्धुसुस्खलत्तरङ्गभङ्गरञ्जितं द्विषत्सु पापजातजातकारिवारिसंयुतम्। कृतान्तदूतकालभूतभीतिहारिवर्मदे त्वदीयपादपङ्कजं नमामि देवि नर्मदे॥१॥ त्वदम्बुलीनदीनमीनदिव्यसम्प्रदायकं कलौ मलौघभारहारिसर्वतीर्थनायकम्। सुमत्स्यकच्छनक्रचक्रवाकचक्रशर्मदे त्वदीयपादपङ्कजं नमामि देवि नर्मदे॥२॥ महागभीरनीरपूरपापधूतभूतलं ध्वनत्समस्तपातकारिदारितापदाचलम्। जगल्लये महाभये मृकण्डुसूनुहर्म्यदे त्वदीयपादपङ्कजं नमामि देवि नर्मदे॥३॥ गतं तदैव मे भयं त्वदम्बु वीक्ष्य भेषजं सुदुर्जनं दुरन्तपापदूरगामिनं जनम्। श्रितं किलाश्रितं जलं महेशमौलिमालदे त्वदीयपादपङ्कजं नमामि देवि नर्मदे॥४॥ अलक्ष्यलक्षकिन्नरामरासुरादिपूजितं सुलक्षनीरतीरधीरपक्षिलक्षकूजितम्। विषिष्टपापजालमाचकालभेददक्षदे त्वदीयपादपङ्कजं नमामि देवि नर्मदे॥५॥ सनत्कुमारनाचिकेतकश्यपादिषट्पदैः धृतं स्वकीयमानसेषु नारदादिषट्पदैः। रविन्दुरन्तिदेवदेवराजकर्मशर्मदे त्वदीयपादपङ्कजं नमामि देवि नर्मदे॥६॥ अलक्षलक्षलक्षपापलक्षसारसायुधं ततस्तुषार भानुकोटिकोटिशेखरं विभुम्। ध्वनत्तटिन्नटत्तटिस्फुरन्मणोदरे सदे त्वदीयपादपङ्कजं नमामि देवि नर्मदे॥७॥ अहो धृतं स्वनं श्रुतं महेशकेशजातटे किरात सूतवाडवेषु पण्डिते शठेनटे। दुरन्तपापतापहारिसर्वजीवशर्मदे त्वदीयपादपङ्कजं नमामि देवि नर्मदे॥८॥

Sabindu Sindhu Suskhalat Taranga Bhanga Ranjitam Dvishatsu Paapa Jaata Jaata Kaari Vaari Samyutam Krutaanta Doota Kaala Bhoota Bheeti Haari Varmade Tvadeeya Paada Pankajam Namaami Devi Narmade ||1|| Tvadambu Leena Deena Meena Divya Sampradaayakam Kalau Malaugha Bhaara Haari Sarva Teertha Naayakam Sumatsya Kachchha Nakra Chakravaaka Chakra Sharmade Tvadeeya Paada Pankajam Namaami Devi Narmade ||2|| Mahaa Gabheera Neera Poora Paapa Dhoota Bhootalam Dhvanat Samasta Paatakaari Daaritaapa Daachalam Jagallaye Mahaabhaye Mrukandu Soonu Harmyade Tvadeeya Paada Pankajam Namaami Devi Narmade ||3|| Gatam Tadaiva Me Bhayam Tvadambu Veekshya Bheshajam Sudurjanam Duranta Paapa Doora Gaaminam Janam Shritam Kilaashritam Jalam Mahesha Mauli Maalade Tvadeeya Paada Pankajam Namaami Devi Narmade ||4|| Alakshya Laksha Kinnaraamara Asura Aadi Poojitam Sulaksha Neera Teera Dheera Pakshi Laksha Koojitam Vishishta Paapa Jaala Maachakala Bheda Dakshade Tvadeeya Paada Pankajam Namaami Devi Narmade ||5|| Sanatkumaara Naachiketa Kashyapaadi Shatpadaih Dhrutam Svakeeya Maanaseshu Naaradaadi Shatpadaih Ravindu Ranti Deva Devaraaja Karma Sharmade Tvadeeya Paada Pankajam Namaami Devi Narmade ||6|| Alaksha Laksha Laksha Paapa Laksha Saara Saayudham Tatastu Shaara Bhaanu Koti Koti Shekharam Vibhum Dhvanat Tatinnatat Tati Sphuran Manodare Sade Tvadeeya Paada Pankajam Namaami Devi Narmade ||7|| Aho Dhrutam Svanam Shrutam Mahesha Kesha Jaatate Kiraata Soota Vaadaveshu Pandite Shathe Nate Duranta Paapa Taapa Haari Sarva Jeeva Sharmade Tvadeeya Paada Pankajam Namaami Devi Narmade ||8||