Mahishasura Mardini Stotram

अयिगिरिनन्दिनि नन्दितमेदिनि विश्वविनोदिनि नन्दनुते गिरिवरविन्ध्यशिरोऽधिनिवासिनि विष्णुविलासिनि जिष्णुनुते। भगवति हे शितिकण्ठकुटुम्बिनि भूरिकुटुम्बिनि भूरिकृते जय जय हे महिषासुरमर्दिनि रम्यकपर्दिनि शैलसुते॥१॥ सुरवरवर्षिणि दुर्धरधर्षिणि दुर्मुखमर्षिणि हर्षरते त्रिभुवनपोषिणि शङ्करतोषिणि किल्बिषमोषिणि घोषरते। दनुजनिरोषिणि दितिसुतरोषिणि दुर्मदशोषिणि सिन्धुसुते जय जय हे महिषासुरमर्दिनि रम्यकपर्दिनि शैलसुते॥२॥ अयि जगदम्ब मदम्ब कदम्बवनप्रियवासिनि हासरते शिखरिशिरोमणि तुङ्गहिमालयशृङ्गनिजालयमध्यगते। मधुमधुरे मधुकैटभगञ्जिनि कैटभभञ्जिनि रासरते जय जय हे महिषासुरमर्दिनि रम्यकपर्दिनि शैलसुते॥३॥ अयि शतखण्डविखण्डितरुण्डवितुण्डितशुण्डगजाधिपते रिपुगजगण्डविदारणचण्डपराक्रमशुण्डमृगाधिपते। निजभुजदण्डनिपातितखण्डविपातितमुण्डभटाधिपते जय जय हे महिषासुरमर्दिनि रम्यकपर्दिनि शैलसुते॥४॥ अयि रणदुर्मदशत्रुवधोदितदुर्धरनिर्जरशक्तिभृते चतुरविचारधुरीणमहाशिवदूतकृतप्रमथाधिपते। दुरितदुरीहदुराशयदुर्मतिदानवदूतकृतान्तमते जय जय हे महिषासुरमर्दिनि रम्यकपर्दिनि शैलसुते॥५॥ अयि शरणागतवैरिवधूवरवीरवराभयदायकरे त्रिभुवनमस्तकशूलविरोधिशिरोऽधिकृतामलशूलकरे। दुमिदुमितामरदुन्दुभिनादमहोमुखरीकृततिग्मपुरे जय जय हे महिषासुरमर्दिनि रम्यकपर्दिनि शैलसुते॥६॥ अयि निजहुङ्कृतिमात्रनिराकृतधूम्रविलोचनधूम्रशते समरविशोषितशोणितबीजसमुद्भवशोणितबीजलते। शिवशिवशुम्भनिशुम्भमहाहवतर्पितभूतपिशाचरते जय जय हे महिषासुरमर्दिनि रम्यकपर्दिनि शैलसुते॥७॥ धनुरनुषङ्गरणक्षणसङ्गपरिस्फुरदङ्गनटत्कटके कनकपिशङ्गपृषत्कनिषङ्गरसन्मदभूतकरीकुटुके। कृतचतुरङ्गबलक्षितिरङ्गघटद्बहुरङ्गरटद्बटुके जय जय हे महिषासुरमर्दिनि रम्यकपर्दिनि शैलसुते॥८॥ सुरललनाततथेयितथाभिनयोत्तमनृत्यरते हासविलासहुलासमयिप्रणतार्तजनेमितप्रेमिते। धिमिकिटधिक्कटधिक्कटधिमिध्वनिघोरमृदङ्गनिनादरते जय जय हे महिषासुरमर्दिनि रम्यकपर्दिनि शैलसुते॥९॥ जय जय जप्यजये जयशब्दपरस्तुतितत्परविश्वनुते झणझणझिञ्झिमिझिङ्कृतनूपुरशिञ्जितमोहितभूतपते। नटितनटार्धनटीनटनायकनाटितनाट्यसुगानरते जय जय हे महिषासुरमर्दिनि रम्यकपर्दिनि शैलसुते॥१०॥ अयि सुमनःसुमनःसुमनः सुमनःसुमनोहरकान्तियुते श्रितरजनीरजनीरजनीरजनीरजनीकरवक्त्रवृते। सुनयनविभ्रमरभ्रमरभ्रमरभ्रमरभ्रमराधिपते जय जय हे महिषासुरमर्दिनि रम्यकपर्दिनि शैलसुते॥११॥ सहितमहाहवमल्लमतल्लिकमल्लितरल्लकमल्लरते विरचितवल्लिकपल्लिकमल्लिकझिल्लिकभिल्लिकवर्गवृते। शितकृतफुल्लसमुल्लसितारुणतल्लजपल्लवसल्ललिते जय जय हे महिषासुरमर्दिनि रम्यकपर्दिनि शैलसुते॥१२॥ अविरलगण्डगलन्मदमेदुरमत्तमतङ्गजराजपते त्रिभुवनभूषणभूतकलानिधिरूपपयोनिधिराजसुते। अयि सुदतीजनलालसमानसमोहनमन्मथराजसुते जय जय हे महिषासुरमर्दिनि रम्यकपर्दिनि शैलसुते॥१३॥ कमलदलामलकोमलकान्तिकलाकलितामलभालतले सकलविलासकलानिलयक्रमकेलिचलत्कलहंसकुले। अलिकुलसङ्कुलकुवलयमण्डलमौलिमिलद्बकुलालिकुले जय जय हे महिषासुरमर्दिनि रम्यकपर्दिनि शैलसुते॥१४॥ करमुरलीरववीजितकूजितलज्जितकोकिलमञ्जुमते मिलितपुलिन्दमनोहरगुञ्जितरञ्जितशैलनिकुञ्जगते। निजगुणभूतमहाशबरीगणसद्गुणसम्भृतकेलितले जय जय हे महिषासुरमर्दिनि रम्यकपर्दिनि शैलसुते॥१५॥ कटितटपीतदुकूलविचित्रमयूखतिलकमञ्जुमते सकलनिषादगणाधिपते। निजरसभूतमहाशबरीगणरम्भापुरे जय जय हे महिषासुरमर्दिनि रम्यकपर्दिनि शैलसुते॥१६॥ कटितटपीतदुकूलविचित्रमयूखतिरस्कृतचन्द्ररुचे प्रणतसुरासुरमौलिमणिस्फुरदंशुलसन्नखचन्द्ररुचे। जितकनकाचलमौलिपदोर्जितनिर्भरकुञ्जरकुम्भकुचे जय जय हे महिषासुरमर्दिनि रम्यकपर्दिनि शैलसुते॥१७॥ विजितसहस्रकरैकसहस्रकरैकसहस्रकरैकनुते कृतसुरतारकसङ्गरतारकसङ्गरतारकसूनुसुते। सुरथसमाधिसमानसमाधिसमाधिसमाधिसुजातरते जय जय हे महिषासुरमर्दिनि रम्यकपर्दिनि शैलसुते॥१८॥ पदकमलं करुणानिलये वरिवस्यति योऽनुदिनं सुशिवे अयि कमले कमलानिलये कमलानिलयः स कथं न भवेत्। तव पदमेव परम्पदमित्यनुशीलयतो मम किं न शिवे जय जय हे महिषासुरमर्दिनि रम्यकपर्दिनि शैलसुते॥१९॥ कनकलसत्कलसिन्धुजलैरनुषिञ्चति तेगुणरङ्गभुवम् भजति स किं न शचीकुचकुम्भतटीपरिरम्भसुखानुभवम्। तव चरणं शरणं करवाणि नतामरवाणि निवासि शिवम् जय जय हे महिषासुरमर्दिनि रम्यकपर्दिनि शैलसुते॥२०॥ तव विमलेन्दुकुलं वदनेन्दुमलं सकलं ननु कूलयते किमु पुरुहूतपुरीन्दुमुखीसुमुखीभिरसौ विमुखीक्रियते। मम तु मतं शिवनामधने भवती कृपया किमुत क्रियते जय जय हे महिषासुरमर्दिनि रम्यकपर्दिनि शैलसुते॥२१॥

Ayigiri Nandini Nandita Medini Vishva Vinodini Nandanute Girivara Vindhya Shirodhinivasini Vishnu Vilasini Jishnunute Bhagavati He Shitikantha Kutumbini Bhurikutumbini Bhurikrite Jaya Jaya He Mahishasura Mardini Ramyakapardini Shailasute ||1|| Suravaravarshini Durdhara Dharshini Durmukha Marshini Harsharate Tribhuvana Poshini Shankara Toshini Kilbisha Moshini Ghosharate Danuja Niroshini Ditisuta Roshini Durmada Shoshini Sindhusute Jaya Jaya He Mahishasura Mardini Ramyakapardini Shailasute ||2|| Ayi Jagadamba Madamba Kadamba Vanapriyavasini Hasarate Shikhari Shiromani Tunga Himalaya Shrunga Nijalaya Madhyagate Madhu Madhure Madhu Kaitabha Ganjini Kaitabha Bhanjini Rasarate Jaya Jaya He Mahishasura Mardini Ramyakapardini Shailasute ||3|| Ayi Shatakhanda Vikhandita Runda Vitundita Shunda Gajadhipate Ripu Gaja Ganda Vidarana Chanda Parakrama Shunda Mrigadhipate Nija Bhuja Danda Nipatita Khanda Vipatita Munda Bhatadhipate Jaya Jaya He Mahishasura Mardini Ramyakapardini Shailasute ||4|| Ayi Rana Durmada Shatru Vadhodita Durdhara Nirjara Shaktibhrite Chatura Vichara Dhureena Maha Shiva Dootakrita Pramathadhipate Durita Dureeha Durashaya Durmati Danavadoota Kritantamate Jaya Jaya He Mahishasura Mardini Ramyakapardini Shailasute ||5|| Ayi Sharanagata Vairi Vadhoovara Veera Varabhaya Dayakare Tribhuvana Mastaka Shula Virodhi Shirodhikritamala Shulakare Dumi Dumitamara Dundubhinada Mahomukhareekrita Tigmapure Jaya Jaya He Mahishasura Mardini Ramyakapardini Shailasute ||6|| Ayi Nija Hunkriti Matra Nirakrita Dhumra Vilochana Dhumrashate Samara Vishoshita Shonita Beeja Samudbhava Shonita Beejalate Shiva Shiva Shumbha Nishumbha Mahahava Tarpita Bhuta Pishaacharate Jaya Jaya He Mahishasura Mardini Ramyakapardini Shailasute ||7|| Dhanuranusanga Ranakshana Sanga Parisphura Danga Natat Katake Kanaka Pishanga Prishatka Nishanga Rasanmada Bhuta Kari Kutuke Krita Chaturanga Balakshiti Ranga Ghatad Bahuranga Ratad Batuke Jaya Jaya He Mahishasura Mardini Ramyakapardini Shailasute ||8|| Sura Lalana Tatatheyi Tathabhinayottama Nritya Rate Hasa Vilasa Hulasa Mayi Pranatarta Janemita Premite Dhimikita Dhikkata Dhikkata Dhimi Dhvani Ghora Mridanga Ninadarate Jaya Jaya He Mahishasura Mardini Ramyakapardini Shailasute ||9|| Jaya Jaya Japya Jaye Jayashabda Parastuti Tatpara Vishvanute Jhana Jhana Jhinjhimi Jhinkrita Nupura Shinjita Mohita Bhutapate Natita Natardha Natee Natanayaka Natita Natya Suganarate Jaya Jaya He Mahishasura Mardini Ramyakapardini Shailasute ||10|| Ayi Sumanah Sumanah Sumanah Sumanah Sumanohara Kantiyute Shritarajanee Rajanee Rajanee Rajanee Rajaneekara Vaktravrite Sunayana Vibhramara Bhramara Bhramara Bhramara Bhramaradhipate Jaya Jaya He Mahishasura Mardini Ramyakapardini Shailasute ||11|| Sahita Mahahava Malla Matallika Mallita Rallaka Mallarate Virachita Vallika Pallika Mallika Jhillika Bhillika Vargavrite Shitakrita Phulla Samullasita Aruna Tallaja Pallava Sallalite Jaya Jaya He Mahishasura Mardini Ramyakapardini Shailasute ||12|| Avirala Ganda Galan Mada Medura Matta Matangaja Rajapate Tribhuvana Bhushana Bhuta Kalanidhi Rupa Payonidhi Rajasute Ayi Sudatee Jana Lalasa Manasa Mohana Manmatha Rajasute Jaya Jaya He Mahishasura Mardini Ramyakapardini Shailasute ||13|| Kamala Dalamala Komala Kanti Kala Kalitamala Bhalatale Sakala Vilasa Kala Nilaya Krama Keli Chalat Kalahamsa Kule Alikula Sankula Kuvalaya Mandala Mauli Milad Bakulali Kule Jaya Jaya He Mahishasura Mardini Ramyakapardini Shailasute ||14|| Kara Murali Rava Veejita Koojita Lajjita Kokila Manjumate Milita Pulinda Manohara Gunjita Ranjita Shaila Nikunjugate Nija Guna Bhuta Maha Shabari Gana Sadguna Sambhrita Kelitale Jaya Jaya He Mahishasura Mardini Ramyakapardini Shailasute ||15|| Katitata Peeta Dukoola Vichitra Mayukha Tilaka Manjumate Sakala Nishada Ganadhipate Nijarasa Bhuta Maha Shabari Gana Rambhapure Jaya Jaya He Mahishasura Mardini Ramyakapardini Shailasute ||16|| Katitata Peeta Dukoola Vichitra Mayukha Tiraskrita Chandruche Pranata Surasura Mauli Mani Sphura Danshu Lasan Nakha Chandruche Jita Kanakachala Mauli Padorjita Nirbhara Kunjara Kumbha Kuche Jaya Jaya He Mahishasura Mardini Ramyakapardini Shailasute ||17|| Vijita Sahasrakaraika Sahasrakaraika Sahasrakaraika Nute Kruta Surataraka Sangarataraka Sangarataraka Sunusute Suratha Samadhi Samana Samadhi Samadhi Samadhi Sujatarate Jaya Jaya He Mahishasura Mardini Ramyakapardini Shailasute ||18|| Padakamalam Karunanilaye Varivasyati Yoanudinam Sushive Ayi Kamale Kamalanilaye Kamalanilayah Sa Katham Na Bhavet Tava Padameva Parampadam Ityanushilayato Mama Kim Na Shive Jaya Jaya He Mahishasura Mardini Ramyakapardini Shailasute ||19|| Kanaka Lasat Kala Sindhu Jalair Anushinchati Te Gunaranga Bhuvam Bhajati Sa Kim Na Shachi Kucha Kumbha Tati Parirambha Sukhanubhavam Tava Charanam Sharanam Karavaani Natamaravani Nivasi Shivam Jaya Jaya He Mahishasura Mardini Ramyakapardini Shailasute ||20|| Tava Vimalendu Kulam Vadanendu Malam Sakalam Nanu Kulayate Kimu Puruhuta Purindu Mukhi Sumukhee Bhirasau Vimukhee Kriyate Mama Tu Matam Shivanamadane Bhavati Kripaya Kimuta Kriyate Jaya Jaya He Mahishasura Mardini Ramyakapardini Shailasute ||21||