Lalita Sahasranama (Key Verses)

॥ ध्यानम् ॥ सिन्दूरारुणविग्रहां त्रिनयनां माणिक्यमौलिस्फुरत् तारानायकशेखरां स्मितमुखीमापीनवक्षोरुहाम्। पाणिभ्यामलिपूर्णरत्नचषकं रक्तोत्पलं बिभ्रतीं सौम्यां रत्नघटस्थरक्तचरणां ध्यायेत्परामम्बिकाम्॥ अरुणां करुणातरङ्गिताक्षीं धृतपाशाङ्कुशपुष्पबाणचापाम्। अणिमादिभिरावृतां मयूखैरहमित्येव विभावये भवानीम्॥ ध्यायेत् पद्मासनस्थां विकसितवदनां पद्मपत्रायताक्षीं हेमाभां पीतवस्त्रां करकलितलसद्धेमपद्मां वराङ्गीम्। सर्वालंकारयुक्तां सततमभयदां भक्तनम्रां भवानीं श्रीविद्यां शान्तमूर्तिं सकलसुरनुतां सर्वसम्पत्प्रदात्रीम्॥ ॥ श्री ललिता सहस्रनामस्तोत्रम् ॥ ॐ श्रीमाता श्रीमहाराज्ञी श्रीमत्सिंहासनेश्वरी। चिदग्निकुण्डसम्भूता देवकार्यसमुद्यता॥१॥ उद्यद्भानुसहस्राभा चतुर्बाहुसमन्विता। रागस्वरूपपाशाढ्या क्रोधाकाराङ्कुशोज्ज्वला॥२॥ मनोरूपेक्षुकोदण्डा पञ्चतन्मात्रसायका। निजारुणप्रभापूरमज्जद्ब्रह्माण्डमण्डला॥३॥ चम्पकाशोकपुन्नागसौगन्धिकलसत्कचा। कुरुविन्दमणिश्रेणीकनत्कोटीरमण्डिता॥४॥ अष्टमीचन्द्रविभ्राजदलिकस्थलशोभिता। मुखचन्द्रकलङ्काभमृगनाभिविशेषका॥५॥ वदनस्मरमाङ्गल्यगृहतोरणचिल्लिका। वक्त्रलक्ष्मीपरीवाहचलन्मीनाभलोचना॥६॥ नवचम्पकपुष्पाभनासादण्डविराजिता। ताराकान्तितिरस्कारिनासाभरणभासुरा॥७॥ कदम्बमञ्जरीक्लृप्तकर्णपूरमनोहरा। ताटङ्कयुगलीभूततपनोडुपमण्डला॥८॥ पद्मरागशिलादर्शपरिभाविकपोलभूः। नवविद्रुमबिम्बश्रीन्यक्कारिरदनच्छदा॥९॥ शुद्धविद्याङ्कुराकारद्विजपङ्क्तिद्वयोज्ज्वला। कर्पूरवीटिकामोदसमाकर्षद्दिगन्तरा॥१०॥ निजसल्लापमाधुर्यविनिर्भत्सितकच्छपी। मन्दस्मितप्रभापूरमज्जत्कामेशमानसा॥११॥ अनाकलितसादृश्यचिबुकश्रीविराजिता। कामेशबद्धमाङ्गल्यसूत्रशोभितकन्धरा॥१२॥ कनकाङ्गदकेयूरकमनीयभुजान्विता। रत्नग्रैवेयचिन्ताकलोलमुक्ताफलान्विता॥१३॥ कामेश्वरप्रेमरत्नमणिप्रतिपणस्तनी। नाभ्यालवालरोमालिलताफलकुचद्वयी॥१४॥ लक्ष्यरोमलताधारतासमुन्नेयमध्यमा। स्तनभारदलन्मध्यपट्टबन्धवलित्रया॥१५॥ ॥ फलश्रुति ॥ सर्वाव्याधिप्रशमनं सर्वमृत्युनिवारणम्। सर्वज्वरार्तिशमनं सर्वदुष्टभयापहम्॥ सर्वसम्पत्प्रदं सर्वमङ्गलावहमुत्तमम्। सर्वसिद्धिप्रदं नॄणां सर्वयोगफलप्रदम्॥ नानाविधपरीवाददारिद्र्यभयवर्जितम्। सर्वमङ्गलमाङ्गल्यं सर्वदा विजयावहम्॥ ॥ इति श्री ललिता सहस्रनाम स्तोत्रम् सम्पूर्णम् ॥ (Note: The complete Lalita Sahasranama contains 1000 names across 183 verses. The key dhyana shlokas, first 15 name-verses and phala shruti are presented here.)

|| Dhyanam || Sindooraruna Vigraham Trinayanam Manikyamauli Sphurat Taranayaka Shekharam Smitamukheem Apeena Vakshoruhaam Panibhyam Alipurna Ratna Chashakam Raktotpalam Bibhrateem Saumyam Ratnaghatastha Rakta Charanam Dhyayet Parambikam || Arunam Karunatarangitaksheem Dhritapashankusha Pushpa Bana Chapam Animadibhir Avritam Mayukhair Aham Ityeva Vibhavaye Bhavanim || Dhyayet Padmasanastham Vikasitavadanam Padmapatrayatakshim Hemabham Peetavastram Karakalita Lasaddema Padmam Varangim Sarvalankara Yuktam Satatam Abhayadam Bhaktanamram Bhavanim Srividyam Shantamurtim Sakala Suranutam Sarva Sampatpradatrim || || Sri Lalita Sahasranama Stotram || Om Shrimata Shrimaharajni Shrimat Simhasaneshvari Chidagni Kunda Sambhuta Devakaryasamudyata ||1|| Udyad Bhanu Sahasrabha Chaturbahu Samanvita Ragasvarupa Pashadhya Krodhakara Ankushojjvala ||2|| Manorupekshu Kodanda Panchatanmatra Sayaka Nijaruna Prabhapura Majjad Brahmanda Mandala ||3|| Champakashoka Punnaga Saugandhika Lasat Kacha Kuruvinda Manishreni Kanat Kotira Mandita ||4|| Ashtami Chandra Vibhrajad Alikasthala Shobhita Mukha Chandra Kalankabha Mriganabhi Visheshaka ||5|| Vadanasmara Mangalya Griha Torana Chillika Vaktralakshmi Parivaha Chalan Minabha Lochana ||6|| Navachampaka Pushpabha Nasadanda Virajita Tarakanti Tiraskari Nasabharana Bhasura ||7|| Kadamba Manjari Klripta Karnapura Manohara Tatanka Yugali Bhuta Tapanodupa Mandala ||8|| Padmaraga Shiladarsha Paribhavi Kapolabhuh Navavidruma Bimbashri Nyakkari Radanachhada ||9|| Shuddha Vidyankurakara Dvijapankti Dvayojjvala Karpura Veetika Moda Samakarshad Digantara ||10|| Nijasallapa Madhurya Vinirbhatsita Kachhapi Mandasmita Prabhapura Majjat Kamesha Manasa ||11|| Anakalita Sadrishya Chibuka Shri Virajita Kameshbaddha Mangalya Sutra Shobhita Kandhara ||12|| Kanakangada Keyura Kamaniya Bhujanvita Ratnagraiveya Chintaka Lola Muktaphalanvita ||13|| Kameshvara Premaratna Manipratipana Stani Nabhyalavala Romali Lataphala Kuchadvayee ||14|| Lakshya Romalata Dhara Samunnaya Madhyama Stanabhara Dalan Madhya Pattabandha Valitraya ||15|| || Phala Shruti || Sarvavyadhi Prashamanam Sarva Mrityu Nivaranam Sarva Jvarti Shamanam Sarva Dushta Bhayapaham Sarva Sampatpradam Sarva Mangalavaha Muttamam Sarvasiddhi Pradam Nrinam Sarva Yoga Phalapradam Nanavidha Parivada Daridrya Bhaya Varjitam Sarva Mangala Mangalyam Sarvada Vijayavaham || Iti Sri Lalita Sahasranama Stotram Sampoornam || (Note: The complete Lalita Sahasranama contains 1000 names across 183 verses. The key dhyana shlokas, first 15 name-verses and phala shruti are presented here.)