Devi Aparadha Kshamapana Stotram

न मन्त्रं नो यन्त्रं तदपि च न जाने स्तुतिमहो न चाह्वानं ध्यानं तदपि च न जाने स्तुतिकथाः। न जाने मुद्रिष्टे तदपि च न जाने विलपनं परं जाने मातस्त्वदनुसरणं क्लेशहरणम्॥१॥ विधेरज्ञानेन द्रविणविरहेणालसतया विधेयाशक्यत्वात्तव चरणयोर्या च्युतिरभूत्। तदेतत् क्षन्तव्यं जननि सकलोद्धारिणि शिवे कुपुत्रो जायेत क्वचिदपि कुमाता न भवति॥२॥ पृथिव्यां पुत्रास्ते जननि बहवः सन्ति सरलाः परं तेषां मध्ये विरलतरलोऽहं तव सुतः। मदीयोऽयं त्यागः समुचितमिदं नो तव शिवे कुपुत्रो जायेत क्वचिदपि कुमाता न भवति॥३॥ जगन्मातर्मातस्तव चरणसेवा न रचिता न वा दत्तं देवि द्रविणमपि भूयस्तव मया। तथापि त्वं स्नेहं मयि निरुपमं यत्प्रकुरुषे कुपुत्रो जायेत क्वचिदपि कुमाता न भवति॥४॥ परित्यक्ता देवाः विविधविधिसेवाकुलतया मया पञ्चाशीतेरधिकमपनीते तु वयसि। इदानीं चेन्मातस्तव यदि कृपा नापि भविता निरालम्बो लम्बोदरजननि कं यामि शरणम्॥५॥ श्वपाको जल्पाको भवति मधुपाकोपमगिरा निरातङ्को रंको विहरति चिरं कोटिकनकैः। तवापर्णे कर्णे विशति मनुवर्णे फलमिदं जनः को जानीते जननि जपनीयं जपविधौ॥६॥ चिताभस्मालेपो गरलमशनं दिक्पटधरो जटाधारी कण्ठे भुजगपतिहारी पशुपतिः। कपाली भूतेशो भजति जगदीशैकपदवीं भवानी त्वत्पाणिग्रहणपरिपाटीफलमिदम्॥७॥ न मोक्षस्याकाङ्क्षा भवविभववाञ्छापि च न मे न विज्ञानापेक्षा शशिमुखि सुखेच्छापि न पुनः। अतस्त्वां संयाचे जननि जननं यातु मम वै मृडानी रुद्राणी शिव शिव भवानीति जपतः॥८॥ नाराधितासि विधिना विविधोपचारैः किं रूक्षचिन्तनपरैर्न कृतं वचोभिः। श्यामे त्वमेव यदि किञ्चन मय्यनाथे धत्से कृपामुचितमम्ब परं तवैव॥९॥ आपत्सु मग्नः स्मरणं त्वदीयं करोमि दुर्गे करुणार्णवेशि। नैतच्छठत्वं मम भावयेथाः क्षुधातृषार्ता जननीं स्मरन्ति॥१०॥

Na Mantram No Yantram Tadapi Cha Na Jaane Stutimaho Na Chaahvaanam Dhyaanam Tadapi Cha Na Jaane Stutikathah Na Jaane Mudrishte Tadapi Cha Na Jaane Vilapanam Param Jaane Maatastvadanusaranam Kleshharanam ||1|| Vidherajnaanena Dravina Virahenaaalasatayaa Vidheyaashakyatvaat Tava Charanayoryaa Chyutirabhooot Tadetat Kshantavyam Janani Sakaloddhaarini Shive Kuputro Jaayeta Kvachidapi Kumaataa Na Bhavati ||2|| Prithivyaam Putraaste Janani Bahavah Santi Saralaah Param Teshaam Madhye Viralataraloh Am Tava Sutah Madeeyo Ayam Tyaagah Samuchitam Idam No Tava Shive Kuputro Jaayeta Kvachidapi Kumaataa Na Bhavati ||3|| Jaganmaatarmaatastva Charanasevaa Na Rachitaa Na Vaa Dattam Devi Dravinum Api Bhooyastava Mayaa Tathaapi Tvam Sneham Mayi Nirupamam Yatprakurushe Kuputro Jaayeta Kvachidapi Kumaataa Na Bhavati ||4|| Parityaktaa Devaah Vividha Vidhisevaakulatayaa Mayaa Panchaasheetyadhikam Apaneete Tu Vayasi Idaanim Chenmaatastva Yadi Krupaa Naapi Bhavitaa Niraalambo Lambodara Janani Kam Yaami Sharanam ||5|| Shvapaako Jalpaako Bhavati Madhupaakopama Giraa Niraatanko Ranko Viharati Chiram Koti Kanakaih Tavaaparne Karne Vishati Manuvarne Phalamidam Janah Ko Jaaneete Janani Japaneeyam Japa Vidhau ||6|| Chitaabhasmaalepo Garalamashanam Dikpatadharo Jataadhaari Kanthe Bhujagapatihaaree Pashupatih Kapaalee Bhootesho Bhajati Jagadeeshaika Padaveem Bhaavaanee Tvatpaanigrahana Paripaatee Phalamidam ||7|| Na Mokshasyaakaankshaa Bhava Vibhava Vaanchaapi Cha Na Me Na Vijnaanaapekshaa Shashimukhi Sukhechchhaapi Na Punah Atastvaam Samyaache Janani Jananam Yaatu Mama Vai Mrudaanee Rudraanee Shiva Shiva Bhavaaniti Japatah ||8|| Naaradhitaasi Vidhinaa Vividhopacharaih Kim Rooksha Chintana Paraih Na Krutam Vachobhih Shyaame Tvameva Yadi Kinchana Mayyanaathe Dhatse Krupaam Uchitam Amba Param Tavaiva ||9|| Aapatsu Magnah Smaranam Tvadeeyam Karomi Durge Karunaarnaveshi Naitachchhatatvam Mama Bhaavayethaah Kshudhaa Trishhaartaa Jananeem Smaranti ||10||