Annapurna Stotram

॥ श्री अन्नपूर्णास्तोत्रम् ॥ नित्यानन्दकरी वराभयकरी सौन्दर्यरत्नाकरी निर्धूताखिलघोरपावनकरी प्रत्यक्षमाहेश्वरी। प्रालेयाचलवंशपावनकरी काशीपुराधीश्वरी भिक्षां देहि कृपावलम्बनकरी माताऽन्नपूर्णेश्वरी॥१॥ नानारत्नविचित्रभूषणकरी हेमाम्बराडम्बरी मुक्ताहारविडम्बमानविलसद्वक्षोजकुम्भान्तरी। काश्मीरागरुवासिताङ्गरुचिरा काशीपुराधीश्वरी भिक्षां देहि कृपावलम्बनकरी माताऽन्नपूर्णेश्वरी॥२॥ योगानन्दकरी रिपुक्षयकरी धर्मार्थनिष्ठाकरी चन्द्रार्कानलभासमानलहरी त्रैलोक्यरक्षाकरी। सर्वैश्वर्यसमस्तवाञ्छितकरी काशीपुराधीश्वरी भिक्षां देहि कृपावलम्बनकरी माताऽन्नपूर्णेश्वरी॥३॥ कैलासाचलकन्दरालयकरी गौरी ह्युमा शाङ्करी कौमारी निगमार्थगोचरकरी ह्योङ्कारबीजाक्षरी। मोक्षद्वारकपाटपाटनकरी काशीपुराधीश्वरी भिक्षां देहि कृपावलम्बनकरी माताऽन्नपूर्णेश्वरी॥४॥ दृश्यादृश्यविभूतिवाहनकरी ब्रह्माण्डभाण्डोदरी लीलानाटकसूत्रभेदनकरी विज्ञानदीपाङ्कुरी। श्रीविश्वेशमनःप्रसादनकरी काशीपुराधीश्वरी भिक्षां देहि कृपावलम्बनकरी माताऽन्नपूर्णेश्वरी॥५॥ उर्वीसर्वजनेश्वरी भगवती माताऽन्नपूर्णेश्वरी वेणीनीलसमानकुन्तलधरी नित्यान्नदानेश्वरी। सर्वानन्दकरी सदा शुभकरी काशीपुराधीश्वरी भिक्षां देहि कृपावलम्बनकरी माताऽन्नपूर्णेश्वरी॥६॥ आदिक्षान्तसमस्तवर्णनकरी शम्भोस्त्रिभावाकरी काश्मीरात्रिजलेश्वरी त्रिलहरी नित्याङ्कुराशाकरी। कामाकाङ्क्षकरी जनोदयकरी काशीपुराधीश्वरी भिक्षां देहि कृपावलम्बनकरी माताऽन्नपूर्णेश्वरी॥७॥ देवीसर्वविचित्ररत्नरचिता दाक्षायणी सुन्दरी वामे स्वादुपयोधरा प्रियकरी सौभाग्यमाहेश्वरी। भक्ताभीष्टकरी सदा शुभकरी काशीपुराधीश्वरी भिक्षां देहि कृपावलम्बनकरी माताऽन्नपूर्णेश्वरी॥८॥ चन्द्रार्कानलकोटिकोटिसदृशा चन्द्रांशुबिम्बाधरी चन्द्रार्काग्निसमानकुण्डलधरी चन्द्रार्कवर्णेश्वरी। मालापुस्तकपाशसाङ्कुशधरी काशीपुराधीश्वरी भिक्षां देहि कृपावलम्बनकरी माताऽन्नपूर्णेश्वरी॥९॥ क्षत्रत्राणकरी महाऽभयकरी माता कृपासागरी साक्षान्मोक्षकरी सदा शिवकरी विश्वेश्वरश्रीधरी। दक्षाक्रन्दकरी निराम्यकरी काशीपुराधीश्वरी भिक्षां देहि कृपावलम्बनकरी माताऽन्नपूर्णेश्वरी॥१०॥ अन्नपूर्णे सदापूर्णे शङ्करप्राणवल्लभे। ज्ञानवैराग्यसिद्ध्यर्थं भिक्षां देहि च पार्वति॥११॥ माता च पार्वती देवी पिता देवो महेश्वरः। बान्धवाः शिवभक्ताश्च स्वदेशो भुवनत्रयम्॥१२॥

|| Shri Annapurna Stotram || Nityaananda Karee Varaabhaya Karee Saundarya Ratnaakree Nirdhootaakhila Ghora Paavana Karee Pratyaksha Maaheshwaree | Praaleyaachala Vamsha Paavana Karee Kaashee Puraadheeeshwaree Bhikshaam Dehi Kripaava Lambanaa Karee Maataanna Poorneshwaree ||1|| Naanaa Ratna Vichitra Bhooshana Karee Hemaambara Aambaree Muktaa Haara Vidamba Maana Vilasad Vaksho Ja Kumbhantaree | Kaashmeera Agaru Vaasitaanga Ruchiree Kaashee Puraadheeeshwaree Bhikshaam Dehi Kripaava Lambanaa Karee Maataanna Poorneshwaree ||2|| Yogaa Nanda Karee Ripu Kshaya Karee Dharmaartha Nishthaa Karee Chandraarkaanala Bhaasamaana Laharee Trailokya Rakshaa Karee | Sarvaishvarya Samasta Vaanchhita Karee Kaashee Puraadheeeshwaree Bhikshaam Dehi Kripaava Lambanaa Karee Maataanna Poorneshwaree ||3|| Kailaasaachala Kandaraalaya Karee Gauree Hyumaa Shaankaree Kaumaaree Nigamaartha Gochara Karee Hyonkaara Beejaakshree | Moksha Dvaara Kapaata Paatana Karee Kaashee Puraadheeeshwaree Bhikshaam Dehi Kripaava Lambanaa Karee Maataanna Poorneshwaree ||4|| Drishyaadrishya Vibhooti Vaahana Karee Brahmaanda Bhaandodaree Leelaa Naataka Sootra Bhedana Karee Vijnaana Deepaankuree | Shree Vishvesha Manah Prasaadana Karee Kaashee Puraadheeeshwaree Bhikshaam Dehi Kripaava Lambanaa Karee Maataanna Poorneshwaree ||5|| Urvee Sarva Janeshwaree Bhagavatee Maataanna Poorneshwaree Venee Neela Samaana Kuntala Dharee Nityaanna Daaneshwaree | Sarvaananda Karee Sadaa Shubha Karee Kaashee Puraadheeeshwaree Bhikshaam Dehi Kripaava Lambanaa Karee Maataanna Poorneshwaree ||6|| Aadikshanta Samasta Varnana Karee Shambhos Tribhaavaakaree Kaashmeera Atrija Leshwaree Tri Laharee Nityaankuraashaa Karee | Kaamakaanksha Karee Janodaya Karee Kaashee Puraadheeeshwaree Bhikshaam Dehi Kripaava Lambanaa Karee Maataanna Poorneshwaree ||7|| Devee Sarva Vichitra Ratna Rachitaa Daakshaayaaee Sundaree Vaame Svaadu Payodharaa Priya Karee Saubhaagya Maaheshwaree | Bhaktaabheeshta Karee Sadaa Shubha Karee Kaashee Puraadheeeshwaree Bhikshaam Dehi Kripaava Lambanaa Karee Maataanna Poorneshwaree ||8|| Chandraarkaanala Koti Koti Sadrishaa Chandraamshu Bimbaa Dharee Chandraarkaagni Samaana Kundala Dharee Chandraarka Varneshwaree | Maalaa Pustaka Paasha Saankusha Dharee Kaashee Puraadheeeshwaree Bhikshaam Dehi Kripaava Lambanaa Karee Maataanna Poorneshwaree ||9|| Kshatra Traana Karee Mahaa Abhaya Karee Maataa Kripaa Saagaree Saakshaan Moksha Karee Sadaa Shiva Karee Vishveshwara Shree Dharee | Dakshaakranda Karee Niraamya Karee Kaashee Puraadheeeshwaree Bhikshaam Dehi Kripaava Lambanaa Karee Maataanna Poorneshwaree ||10|| Annapoorne Sadaa Poorne Shankara Praana Vallabhe | Jnaana Vairaagya Siddhyartham Bhikshaam Dehi Cha Paarvati ||11|| Maataa Cha Paarvatee Devee Pitaa Devo Maheshvarah | Baandhavaah Shiva Bhaktaashcha Svadesho Bhuvanatrayam ||12||