Vedasara Shiva Stavam

पशूनां पतिं पापनाशं परेशं गजेन्द्रस्य कृत्तिं वसानं वरेण्यम्। जटाजूटमध्ये स्फुरद्गाङ्गवारिं महादेवमेकं स्मरामि स्मरारिम्॥१॥ महेशं सुरेशं सुरारातिनाशं विभुं विश्वनाथं विभूत्यङ्गभूषम्। विरूपाक्षमिन्द्वर्कवह्नित्रिनेत्रं सदानन्दमीडे प्रभुं पञ्चवक्त्रम्॥२॥ गिरीशं गणेशं गले नीलवर्णं गवेन्द्राधिरूढं गुणातीतरूपम्। भवं भास्वरं भस्मना भूषिताङ्गं भवानीकलत्रं भजे पञ्चवक्त्रम्॥३॥ शिवाकान्त शम्भो शशाङ्कार्धमौले महेशान शूलिन् जटाजूटधारिन्। त्वमेको जगद्व्यापको विश्वरूपः प्रसीद प्रसीद प्रभो पूर्णरूप॥४॥ परात्मानमेकं जगद्बीजमाद्यं निरीहं निराकारमोङ्कारवेद्यम्। यतो जायते पाल्यते येन विश्वं तमीशं भजे लीयते यत्र विश्वम्॥५॥ न भूमिर्न चापो न वह्निर्न वायु- र्न चाकाशमास्ते न तन्द्रा न निद्रा। न चोष्णं न शीतं न देशो न वेषो न यस्यास्ति मूर्तिस्त्रिमूर्तिं तमीडे॥६॥

Pashoonaam Patim Paapanaasham Paresham Gajendrasya Krittim Vasaanam Varenyam Jataajootamadhye Sphuradgaangavarim Mahaadevaekam Smaraami Smararim ||1|| Mahesham Suresham Suraaraati Naasham Vibhum Vishvanaatham Vibhootyang Bhoosham Viroopaksham Indvarkavahni Trinetram Sadaanandamede Prabhum Panchavaktram ||2|| Gireesham Ganesham Gale Neelavarnam Gavendraadhi Roodham Gunaateetaroopam Bhavam Bhasvaram Bhasmanaa Bhooshitaangam Bhavaanee Kalatram Bhaje Panchavaktram ||3|| Shivaakanta Shambho Shashaankaardha Maule Maheshaana Shoolin Jataajootadhaarin Tvameko Jagadvyaapako Vishvaroopah Praseeda Praseeda Prabho Poornaroopa ||4|| Paraatmaanam Ekam Jagadbeejam Aadyam Nireeham Niraakaarom Onkaaravedyam Yato Jaayate Paalyate Yena Vishvam Tameesham Bhaje Leeyate Yatra Vishvam ||5|| Na Bhoomirna Chaapo Na Vahirna Vaayur Na Chaakaasamaaste Na Tandraa Na Nidraa Na Choshnam Na Sheetam Na Desho Na Vesho Na Yasyaasti Moortis Trimurtim Tameede ||6||