Rudrashtakam

नमामीशमीशान निर्वाणरूपं विभुं व्यापकं ब्रह्मवेदस्वरूपम्। निजं निर्गुणं निर्विकल्पं निरीहं चिदाकाशमाकाशवासं भजेऽहम्॥१॥ निराकारमोंकारमूलं तुरीयं गिराज्ञानगोतीतमीशं गिरीशम्। करालं महाकालकालं कृपालं गुणागारसंसारपारं नतोऽहम्॥२॥ तुषाराद्रिसंकाशगौरं गभीरं मनोभूतकोटिप्रभाश्रीशरीरम्। स्फुरन्मौलिकल्लोलिनी चारुगङ्गा लसद्भालबालेन्दु कण्ठे भुजङ्गा॥३॥ चलत्कुण्डलं भ्रूसुनेत्रं विशालं प्रसन्नाननं नीलकण्ठं दयालम्। मृगाधीशचर्माम्बरं मुण्डमालं प्रियं शङ्करं सर्वनाथं भजामि॥४॥ प्रचण्डं प्रकृष्टं प्रगल्भं परेशं अखण्डं अजं भानुकोटिप्रकाशम्। त्रयःशूलनिर्मूलनं शूलपाणिं भजेऽहं भवानीपतिं भावगम्यम्॥५॥ कलातीतकल्याणकल्पान्तकारी सदा सज्जनानन्ददाता पुरारी। चिदानन्दसन्दोहमोहापहारी प्रसीद प्रसीद प्रभो मन्मथारी॥६॥ न यावद् उमानाथपादारविन्दं भजन्तीह लोके परे वा नराणाम्। न तावत् सुखं शान्ति सन्तापनाशं प्रसीद प्रभो सर्वभूताधिवासम्॥७॥ न जानामि योगं जपं नैव पूजां नतोऽहं सदा सर्वदा शम्भु तुभ्यम्। जरा जन्म दुःखौघ तातप्यमानं प्रभो पाहि आपन्नमामीश शम्भो॥८॥ रुद्राष्टकमिदं प्रोक्तं विप्रेण हरतोषये। ये पठन्ति नरा भक्त्या तेषां शम्भुः प्रसीदति॥

Namamisham Ishan Nirvana Roopam Vibhum Vyapakam Brahma Veda Svaroopam Nijam Nirgunam Nirvikalpam Nireeham Chidakasham Akasha Vasam Bhaje'ham ||1|| Nirakaram Onkara Mulam Tureeyam Gira Jnana Goteetam Eesham Gireesham Karalam Mahakala Kalam Kripalam Gunagara Samsara Param Nato'ham ||2|| Tusharadri Sankasha Gauram Gabhiram Manobhuta Koti Prabha Shri Shareeram Sphuranmauli Kallolini Charu Ganga Lasadbhala Balendu Kanthe Bhujanga ||3|| Chalat Kundalam Bhru Sunetram Vishalam Prasannaananam Neelakantham Dayalam Mrigadheesh Charmambaram Mundamalam Priyam Shankaram Sarvanatham Bhajami ||4|| Prachandam Prakrishtam Pragalbham Paresham Akhandam Ajam Bhanukoti Prakasham Trayah Shula Nirmulanam Shula Panim Bhaje'ham Bhavanee Patim Bhava Gamyam ||5|| Kalateet Kalyana Kalpanta Kari Sada Sajjanananda Data Purari Chidananda Sandoha Mohaphari Praseed Praseed Prabho Manmathari ||6|| Na Yavad Umanatha Padaaravindam Bhajanteeha Loke Pare Va Naranam Na Tavat Sukham Shanti Santapa Nasham Praseed Prabho Sarvabhutadhivasam ||7|| Na Janami Yogam Japam Naiva Poojam Nato'ham Sada Sarvada Shambhu Tubhyam Jara Janma Duhkhaugha Tatapyamanam Prabho Pahi Apannam Ameesh Shambho ||8|| Rudrashtakam Idam Proktam Viprena Haratoshaye Ye Pathanti Nara Bhaktya Tesham Shambhuh Praseedati ||