Nirvana Shatkam

मनोबुद्ध्यहंकारचित्तानि नाहं न च श्रोत्रजिह्वे न च घ्राणनेत्रे। न च व्योमभूमिर्न तेजो न वायुः चिदानन्दरूपः शिवोऽहं शिवोऽहम्॥१॥ न च प्राणसंज्ञो न वै पञ्चवायुः न वा सप्तधातुर्न वा पञ्चकोशः। न वाक्पाणिपादं न चोपस्थपायु चिदानन्दरूपः शिवोऽहं शिवोऽहम्॥२॥ न मे द्वेषरागौ न मे लोभमोहौ मदो नैव मे नैव मात्सर्यभावः। न धर्मो न चार्थो न कामो न मोक्षः चिदानन्दरूपः शिवोऽहं शिवोऽहम्॥३॥ न पुण्यं न पापं न सौख्यं न दुःखं न मन्त्रो न तीर्थं न वेदा न यज्ञाः। अहं भोजनं नैव भोज्यं न भोक्ता चिदानन्दरूपः शिवोऽहं शिवोऽहम्॥४॥ न मे मृत्युशंका न मे जातिभेदः पिता नैव मे नैव माता न जन्म। न बन्धुर्न मित्रं गुरुर्नैव शिष्यः चिदानन्दरूपः शिवोऽहं शिवोऽहम्॥५॥ अहं निर्विकल्पो निराकाररूपो विभुत्वाच्च सर्वत्र सर्वेन्द्रियाणाम्। न चासङ्गतं नैव मुक्तिर्न मेयः चिदानन्दरूपः शिवोऽहं शिवोऽहम्॥६॥

Mano Buddhyahankara Chittani Naham Na Cha Shrotra Jihve Na Cha Ghrana Netre Na Cha Vyoma Bhumir Na Tejo Na Vayuh Chidananda Rupah Shivoham Shivoham ||1|| Na Cha Prana Samjno Na Vai Pancha Vayuh Na Va Saptadhatur Na Va Pancha Koshah Na Vak Pani Padam Na Chopastha Payu Chidananda Rupah Shivoham Shivoham ||2|| Na Me Dvesha Ragau Na Me Lobha Mohau Mado Naiva Me Naiva Matsarya Bhavah Na Dharmo Na Chartho Na Kamo Na Mokshah Chidananda Rupah Shivoham Shivoham ||3|| Na Punyam Na Papam Na Saukhyam Na Duhkham Na Mantro Na Teertham Na Veda Na Yajnah Aham Bhojanam Naiva Bhojyam Na Bhokta Chidananda Rupah Shivoham Shivoham ||4|| Na Me Mrityu Shanka Na Me Jati Bhedah Pita Naiva Me Naiva Mata Na Janma Na Bandhur Na Mitram Gurur Naiva Shishyah Chidananda Rupah Shivoham Shivoham ||5|| Aham Nirvikalpo Nirakara Rupo Vibhutvachcha Sarvatra Sarvendriyaanam Na Chasangatam Naiva Muktir Na Meyah Chidananda Rupah Shivoham Shivoham ||6||