Kaal Bhairav Ashtakam

देवराजसेव्यमानपावनाङ्घ्रिपङ्कजं व्यालयज्ञसूत्रमिन्दुशेखरं कृपाकरम्। नारदादियोगिवृन्दवन्दितं दिगम्बरं काशिकापुराधिनाथकालभैरवं भजे॥१॥ भानुकोटिभास्वरं भवाब्धितारकं परं नीलकण्ठमीप्सितार्थदायकं त्रिलोचनम्। कालकालमम्बुजाक्षमक्षशूलमक्षरं काशिकापुराधिनाथकालभैरवं भजे॥२॥ शूलटङ्कपाशदण्डपाणिमादिकारणं श्यामकायमादिदेवमक्षरं निरामयम्। भीमविक्रमं प्रभुं विचित्रताण्डवप्रियं काशिकापुराधिनाथकालभैरवं भजे॥३॥ भुक्तिमुक्तिदायकं प्रशस्तचारुविग्रहं भक्तवत्सलं स्थितं समस्तलोकविग्रहम्। विनिक्वणन्मनोज्ञहेमकिङ्किणीलसत्कटिं काशिकापुराधिनाथकालभैरवं भजे॥४॥ धर्मसेतुपालकं त्वधर्ममार्गनाशकं कर्मपाशमोचकं सुशर्मदायकं विभुम्। स्वर्णवर्णशेषपाशशोभिताङ्गमण्डलं काशिकापुराधिनाथकालभैरवं भजे॥५॥ रत्नपादुकाप्रभाभिरामपादयुग्मकं नित्यमद्वितीयमिष्टदैवतं निरञ्जनम्। मृत्युदर्पनाशनं करालदंष्ट्रमोक्षणं काशिकापुराधिनाथकालभैरवं भजे॥६॥ अट्टहासभिन्नपद्मजाण्डकोशसन्ततिं दृष्टिपातनष्टपापजालमुग्रशासनम्। अष्टसिद्धिदायकं कपालमालिकाधरं काशिकापुराधिनाथकालभैरवं भजे॥७॥ भूतसङ्घनायकं विशालकीर्तिदायकं काशिवासलोकपुण्यपापशोधकं विभुम्। नीतिमार्गकोविदं पुरातनं जगत्पतिं काशिकापुराधिनाथकालभैरवं भजे॥८॥ कालभैरवाष्टकं पठन्ति ये मनोहरं ज्ञानमुक्तिसाधनं विचित्रपुण्यवर्धनम्। शोकमोहदैन्यलोभकोपतापनाशनं ते प्रयान्ति कालभैरवाङ्घ्रिसन्निधिं ध्रुवम्॥

Devarajasevyamana Pavananghri Pankajam Vyalayajnasutram Indushekharam Kripakaram Naradadi Yogivrinda Vanditam Digambaram Kashikapuradhinatha Kalabhairavam Bhaje ||1|| Bhanukoti Bhasvaram Bhavabdhi Tarakam Param Neelakantham Eepsitartha Dayakam Trilochanam Kalakalam Ambujaksha Maksha Shulam Aksharam Kashikapuradhinatha Kalabhairavam Bhaje ||2|| Shula Tanka Pasha Danda Paanim Aadikaranam Shyamakayam Adidevam Aksharam Niramayam Bheemavikramam Prabhum Vichitra Tandava Priyam Kashikapuradhinatha Kalabhairavam Bhaje ||3|| Bhuktimuktidayakam Prashasta Charu Vigraham Bhaktavatsalam Sthitam Samasta Loka Vigraham Vinikvanann Manojnya Hema Kinkini Lasat Katim Kashikapuradhinatha Kalabhairavam Bhaje ||4|| Dharmasetupaalakam Tvadharma Marga Nashakam Karmapasha Mochakam Susharma Dayakam Vibhum Svarna Varna Shesha Pasha Shobhitanga Mandalam Kashikapuradhinatha Kalabhairavam Bhaje ||5|| Ratnapaduka Prabha Abhirama Pada Yugmakam Nityam Adviteeyam Ishta Daivatam Niranjanam Mrityudarpa Nashanam Karala Damshtra Mokshanam Kashikapuradhinatha Kalabhairavam Bhaje ||6|| Attahasa Bhinna Padmaja Anda Kosha Santatim Drishtipata Nashta Papa Jalam Ugra Shasanam Ashtasiddhi Dayakam Kapala Malika Dharam Kashikapuradhinatha Kalabhairavam Bhaje ||7|| Bhutasangha Nayakam Vishala Keerti Dayakam Kashivasa Loka Punya Papa Shodhakam Vibhum Neetimarga Kovidam Puratnam Jagatpatim Kashikapuradhinatha Kalabhairavam Bhaje ||8|| Kalabhairavashtakam Pathanti Ye Manoharam Jnanamukti Sadhanam Vichitra Punya Vardhanam Shoka Moha Dainya Lobha Kopa Tapa Nashanam Te Prayanti Kalabhairavangri Sannidhim Dhruvam ||