Shiv Manasa Puja

रत्नैः कल्पितमासनं हिमजलैः स्नानं च दिव्याम्बरं नानारत्नविभूषितं मृगमदामोदाङ्कितं चन्दनम्। जातीचम्पकबिल्वपत्ररचितं पुष्पं च धूपं तथा दीपं देव दयानिधे पशुपते हृत्कल्पितं गृह्यताम्॥१॥ सौवर्णे नवरत्नखण्डरचिते पात्रे घृतं पायसं भक्ष्यं पञ्चविधं पयोदधियुतं रम्भाफलं पानकम्। शाकानामयुतं जलं रुचिकरं कर्पूरखण्डोज्ज्वलं ताम्बूलं मनसा मया विरचितं भक्त्या प्रभो स्वीकुरु॥२॥ छत्रं चामरयोर्युगं व्यजनकं चादर्शकं निर्मलं वीणाभेरिमृदङ्गकाहलकला गीतं च नृत्यं तथा। साष्टाङ्गं प्रणतिः स्तुतिर्बहुविधा ह्येतत्समस्तं मया सङ्कल्पेन समर्पितं तव विभो पूजां गृहाण प्रभो॥३॥ आत्मा त्वं गिरिजा मतिः सहचराः प्राणाः शरीरं गृहं पूजा ते विषयोपभोगरचना निद्रा समाधिस्थितिः। सञ्चारः पदयोः प्रदक्षिणविधिः स्तोत्राणि सर्वा गिरो यद्यत्कर्म करोमि तत्तदखिलं शम्भो तवाराधनम्॥४॥ करचरणकृतं वाक्कायजं कर्मजं वा श्रवणनयनजं वा मानसं वापराधम्। विहितमविहितं वा सर्वमेतत्क्षमस्व जय जय करुणाब्धे श्रीमहादेव शम्भो॥५॥

Ratnaih Kalpitam Aasanam Himajalai Snanam Cha Divyambaram Nana Ratna Vibhushitam Mrugamada Modankitam Chandanam Jaati Champaka Bilvapatrarachitam Pushpam Cha Dhupam Tatha Deepam Deva Dayanidhe Pashupate Hritkalpitam Gruhyataam ||1|| Sauvarne Navaratna Khanda Rachite Patre Ghritam Payasam Bhakshyam Panchavidham Payodadhiyutam Rambhaaphalam Paanakam Shakaanaam Ayutam Jalam Ruchikaram Karpoora Khandojjvalam Taamboolam Manasa Maya Virachitam Bhaktya Prabho Sweekuru ||2|| Chhatram Chaamarayoryugam Vyajanakam Chaadarshakam Nirmalam Veena Bheri Mridanga Kaahalakalaa Geetam Cha Nrityam Tatha Saashtaangam Pranatih Stutirbahuvidhaa Hyetatsamastam Maya Sankalpena Samarpitam Tava Vibho Poojaam Grihaana Prabho ||3|| Aatma Tvam Girija Matih Sahacharaah Praanaah Shareeram Griham Pooja Te Vishayopabhoga Rachana Nidraa Samaadhisthitih Sanchaarah Padayoh Pradakshina Vidhih Stotraani Sarva Giro Yadyat Karma Karomi Tattadakhilam Shambho Tavaaradhanam ||4|| Karacharanakritam Vaakkaayajam Karmajam Vaa Shravana Nayanajam Vaa Maanasam Vaa Aparaadham Vihitam Avihitam Vaa Sarvametat Kshamasva Jaya Jaya Karunaabdhe Shri Mahadeva Shambho ||5||