Pashupati Ashtakam

पशुपतीन्दुपतिं धरणीपतिं भुजगलोकपतिं च सतीपतिम्। प्रणतभक्तजनार्तिहरं परं भजत रे गिरिजापतिमद्भुतम्॥१॥ न जनकं न जनन्यपि बान्धवा न तनयं न च भूपतिमाश्रये। पशुपतेः पदपङ्कजमद्भुतं भजत रे गिरिजापतिमद्भुतम्॥२॥ न धनलाभसुखं न च कामिनी न सुतबन्धुजनं न च जीवितम्। यदि कृपां मयि शम्भुरसौ करोत् भजत रे गिरिजापतिमद्भुतम्॥३॥ मृगधरस्य कपर्दिनः ईश्वर- स्यपि दयां मम सन्ततमस्तु रे। किमिह बान्धवमित्रसुतादिभिः भजत रे गिरिजापतिमद्भुतम्॥४॥ न वनिता न सुतो न च बान्धवो न हि धनं न च यौवनमद्भुतम्। यमपुरीमुखकालविनाशनं भजत रे गिरिजापतिमद्भुतम्॥५॥ शिवमनन्तमनाथमनामयं प्रकृतिशान्तमजं च निरामयम्। श्मशनभस्मविभूषितविग्रहं भजत रे गिरिजापतिमद्भुतम्॥६॥ ससुरमर्दनमिन्दुकलाधरं भसितभूषितसुन्दरविग्रहम्। जटिलमुण्डमनादिमजं परं भजत रे गिरिजापतिमद्भुतम्॥७॥ प्रणतभक्तजनावनतत्परं सकललोकगुरुं सकलेश्वरम्। परमनिर्गुणमेकमजं विभुं भजत रे गिरिजापतिमद्भुतम्॥८॥

Pashupatindupatiṁ Dharaneepatim Bhujagalokapatim Cha Sateepatim Pranatabhaktajanaartiharaṁ Paraṁ Bhajata Re Girijaapatimadbhutam ||1|| Na Janakaṁ Na Jananyapi Baandhavaa Na Tanayaṁ Na Cha Bhoopatimaashraye Pashupateh Padapankajam Adbhutam Bhajata Re Girijaapatimadbhutam ||2|| Na Dhanalabhasukhdam Na Cha Kaaminee Na Sutabandhujanaṁ Na Cha Jeevitam Yadi Kripaaṁ Mayi Shambhurasau Karot Bhajata Re Girijaapatimadbhutam ||3|| Mrigadharasya Kapardinah Eeshvara- Syapi Dayaaṁ Mama Santatam Astu Re Kimiha Baandhavamitrasutaadibhih Bhajata Re Girijaapatimadbhutam ||4|| Na Vanitaa Na Suto Na Cha Baandhavo Na Hi Dhanaṁ Na Cha Yauvanam Adbhutam Yamapureemukhakaalavinaashanaṁ Bhajata Re Girijaapatimadbhutam ||5|| Shivam Anantam Anaatham Anaamayam Prakritishaantam Ajaṁ Cha Niraamayam Shmashanabhasma Vibhooshita Vigrahaṁ Bhajata Re Girijaapatimadbhutam ||6|| Sasuramardanam Indukalaadharam Bhasitabhooshita Sundara Vigraham Jatilamundam Anaadim Ajaṁ Paraṁ Bhajata Re Girijaapatimadbhutam ||7|| Pranatabhaktajanaavanatatparam Sakalalokagruṁ Sakaleshvaram Paramanirggunam Ekam Ajaṁ Vibhuṁ Bhajata Re Girijaapatimadbhutam ||8||