Lakshminarasimha Stotram

॥ श्री लक्ष्मीनरसिंह स्तोत्रम् ॥ श्रीमत्पयोनिधिनिकेतनचक्रपाणे भोगीन्द्रभोगमणिराजितपुण्यमूर्ते। योगीश शाश्वत शरण्य भवाब्धिपोत लक्ष्मीनृसिंह मम देहि करावलम्बम्॥१॥ ब्रह्मेन्द्ररुद्रमरुदर्ककिरीटकोटि- सङ्घट्टिताङ्घ्रिकमलामलकान्तिकान्त। लक्ष्मीलसत्कुचसरोरुहराजहंस लक्ष्मीनृसिंह मम देहि करावलम्बम्॥२॥ संसारदावदहनाकरभीकरोरु- ज्वालावलीभिरतिदग्धतनूरुहस्य। त्वत्पादपद्मसरसीरुहमागतस्य लक्ष्मीनृसिंह मम देहि करावलम्बम्॥३॥ संसारजालपतिततस्य जगन्निवास सर्वेन्द्रियार्थबडिशाग्रझषोपमस्य। प्रोत्कम्पितप्रचुरतालुकमस्तकस्य लक्ष्मीनृसिंह मम देहि करावलम्बम्॥४॥ संसारकूपमतिघोरमगाधमूलं सम्प्राप्य दुःखशतसर्पसमाकुलस्य। दीनस्य देव कृपया पदमागतस्य लक्ष्मीनृसिंह मम देहि करावलम्बम्॥५॥ संसारभीकरकरीन्द्रकराभिघात- निष्पीड्यमानवपुषः सकलार्तिनाश। प्राणप्रयाणभवभीतिसमाकुलस्य लक्ष्मीनृसिंह मम देहि करावलम्बम्॥६॥ संसारसर्पघनवक्त्रभयोग्रतीव्र- दंष्ट्राकरालविषदग्धविनष्टमूर्तेः। नागारिवाहन सुधाब्धिनिवास शौरे लक्ष्मीनृसिंह मम देहि करावलम्बम्॥७॥ संसारवृक्षमघबीजमनन्तकर्म- शाखायुतं करणपत्रमनङ्गपुष्पम्। आरुह्य दुःखफलितं पततो दयालो लक्ष्मीनृसिंह मम देहि करावलम्बम्॥८॥ लक्ष्मीपतेः करुणापूर्णकटाक्षदृष्ट्या दैत्येन्द्रकाननदवाग्निमिव स्वतेजम्। सर्वोपद्रवनिवारणमस्तु नित्यं लक्ष्मीनृसिंह शरणं प्रपदे सदाहम्॥

|| Shri Lakshmee Narasimha Stotram || Shreemat Payonidhi Niketana Chakra Paane Bhogeendra Bhoga Mani Raajita Punya Moorte | Yogeesha Shaashvata Sharanya Bhavaabdhi Pota Lakshmee Nrisimha Mama Dehi Karaavalamabam ||1|| Brahmendra Rudra Marud Arka Kireeta Koti Sanghatitaanghri Kamala Amala Kaanti Kaanta | Lakshmee Lasat Kucha Saroruha Raaja Hamsa Lakshmee Nrisimha Mama Dehi Karaavalamabam ||2|| Samsaara Daava Dahanaakara Bheekararoru Jvaalaa Valeebhir Atidagdha Tanuruhasya | Tvat Paada Padma Sarasee Ruham Aagatasy Lakshmee Nrisimha Mama Dehi Karaavalamabam ||3|| Samsaara Jaala Patitasya Jagan Nivaasa Sarvendriyaartha Badishaagra Jhashopamasy | Protkampita Prachura Taaluka Mastakasya Lakshmee Nrisimha Mama Dehi Karaavalamabam ||4|| Samsaara Koopam Ati Ghoram Agaadha Moolam Sampraapya Duhkha Shata Sarpa Samakulasya | Deenasya Deva Kripayaa Padam Aagatasy Lakshmee Nrisimha Mama Dehi Karaavalamabam ||5|| Samsaara Bheekara Kareendra Karaabhi Ghaata Nishpeedya Maana Vapushah Sakalaart Naasha | Praana Prayaana Bhava Bheeti Samakulasya Lakshmee Nrisimha Mama Dehi Karaavalamabam ||6|| Samsaara Sarpa Ghana Vaktra Bhayogra Teevra Damshtraa Karaala Visha Dagdha Vinashta Moorteh | Naagaari Vaahana Sudhaabdhi Nivaasa Shaure Lakshmee Nrisimha Mama Dehi Karaavalamabam ||7|| Samsaara Vriksham Agha Beejam Ananta Karma Shaakhaayutam Karana Patram Ananga Pushpam | Aaruhya Duhkha Phalitam Patato Dayaalo Lakshmee Nrisimha Mama Dehi Karaavalamabam ||8|| Lakshmee Pateh Karunaa Poorna Kataaksha Drishtyaa Daityendra Kaanana Davaagnim Iva Sva Tejam | Sarvopadrava Nivaaranam Astu Nityam Lakshmee Nrisimha Sharanam Prapade Sadaaham ||