Gaurisha Ashtakam

गौरीशमंगलगुणैकनिदानमीशं गौरीविलासभवनं गुणगीतकीर्तिम्। गोभिस्तुतं गुणनिधिं गिरिशं गुरूणां गौरीशमाश्रयत गोचरतां प्रयान्तम्॥१॥ गौरीकटाक्षसरसीरुहसञ्चरन्तं गौरीमुखाम्बुजमनःप्रियभृङ्गराजम्। गौरीसमानवपुषं गमनीयदेहं गौरीशमाश्रयत गोचरतां प्रयान्तम्॥२॥ गौरीप्रियं गिरिसुतावरपुण्यरूपं गौरीतपःफलमनन्तगुणप्रकाशम्। गौरीगृहेश्वरमनादिमजं परेशं गौरीशमाश्रयत गोचरतां प्रयान्तम्॥३॥ गङ्गाधरं गिरिजया परिशोभमानं गंगाजलेन सततं परिषिच्यमानम्। गन्धर्वगीतमहिमानमजं प्रसन्नं गौरीशमाश्रयत गोचरतां प्रयान्तम्॥४॥ कालान्तकं कमलजार्चितपादपद्मं कैलासवासमभयप्रदमार्तिहन्तम्। कालत्रयातिगमनं करुणानिधानं गौरीशमाश्रयत गोचरतां प्रयान्तम्॥५॥ नन्दीश्वरप्रियतमं सुमनोभिरामं भस्माङ्गरागपरिशोभितसुन्दरांगम्। चन्द्रार्धशेखरमनेकविभूषणाढ्यं गौरीशमाश्रयत गोचरतां प्रयान्तम्॥६॥ पञ्चाननं फणिपतीश्वरभूषणाढ्यं पञ्चाक्षरप्रियमनन्तमनादिमव्ययम्। वाराणसीपुरपतिं विमलं विशुद्धं गौरीशमाश्रयत गोचरतां प्रयान्तम्॥७॥ भक्तिप्रियं भवभयार्तिहरं भवानि- पतिं भजामि सततं भुवनत्रयेशम्। भक्तार्तिनाशनपरायणमप्रमेयं गौरीशमाश्रयत गोचरतां प्रयान्तम्॥८॥

Gaurishamangalagunaikanidaanameesham Gaureevilaasabahavanam Gunageetakeertim Gobhistutam Gunanidhim Girisham Guroonnaam Gaurishamaashrayata Gocharataam Prayaantam ||1|| Gaureekataksha Saraseruhasancharantam Gaureemukhaambujamnaahpriyabhringaraajam Gaureesamaanvapusham Gamaneeyadham Gaurishamaashrayata Gocharataam Prayaantam ||2|| Gaureepriyam Girisutaavaraunyaroopam Gauree Tapahphalamananta Gunaprakaasham Gaureegriheshvaramanaadim Ajam Paresham Gaurishamaashrayata Gocharataam Prayaantam ||3|| Gangaadharam Girijayaa Parishobhamaanam Gangaajalena Satatam Parishichyamaanam Gandharvageetamahimaanamajam Prasannam Gaurishamaashrayata Gocharataam Prayaantam ||4|| Kaalaantakam Kamalajarchitapaadapadmam Kailaasavasamabhayapradamaartihantam Kaalatrayaatigamanam Karunaanidhanam Gaurishamaashrayata Gocharataam Prayaantam ||5|| Nandeeshvarapriyatamam Sumanobhiraamam Bhasmaangaraagaparishobhitasundaraangam Chandraardhashekharam Anekavibhooshanaadghyam Gaurishamaashrayata Gocharataam Prayaantam ||6|| Panchaananam Phanipatishvarabhooshanaadhyam Panchaaksharapriyam Anantam Anaadim Avyayam Vaaranaaseepurapatim Vimalam Vishuddham Gaurishamaashrayata Gocharataam Prayaantam ||7|| Bhaktipriyam Bhavabhayaartiharam Bhavaani- Patim Bhajaami Satatam Bhuvanatrayesham Bhaktaartinaashanaparayanam Aprameyam Gaurishamaashrayata Gocharataam Prayaantam ||8||