Saraswati Stotram

॥ श्री सरस्वती स्तोत्रम् ॥ या कुन्देन्दुतुषारहारधवला या शुभ्रवस्त्रावृता या वीणावरदण्डमण्डितकरा या श्वेतपद्मासना। या ब्रह्माच्युतशङ्करप्रभृतिभिर्देवैः सदा पूजिता सा मां पातु सरस्वती भगवती निःशेषजाड्यापहा॥१॥ शुक्लां ब्रह्मविचारसारपरमामाद्यां जगद्व्यापिनीं वीणापुस्तकधारिणीमभयदां जाड्यान्धकारापहाम्। हस्ते स्फाटिकमालिकां विदधतीं पद्मासने संस्थितां वन्दे तां परमेश्वरीं भगवतीं बुद्धिप्रदां शारदाम्॥२॥ ॐ सरस्वती महाभागे विद्ये कमललोचने। विश्वरूपे विशालाक्षि विद्यां देहि नमोऽस्तु ते॥३॥ पद्मपत्रविशालाक्षि पद्मकेसरवर्णिनी। नित्यं पद्मालयां देवीं सा मां पातु सरस्वती॥४॥ सरस्वति नमस्तुभ्यं वरदे कामरूपिणि। विद्यारम्भं करिष्यामि सिद्धिर्भवतु मे सदा॥५॥ सरस्वति नमस्तुभ्यं सर्वदेवि नमो नमः। शान्तरूपे शशिधरे सर्वयोगे नमो नमः॥६॥ नित्यानन्दे निराधारे निष्कलायै नमो नमः। विद्याधरे विशालाक्षि शुद्धज्ञाने नमो नमः॥७॥ शुद्धस्फटिकरूपायै सूक्ष्मरूपे नमो नमः। शब्दब्रह्मस्वरूपायै नमस्ते वागदेवि ते॥८॥ महासरस्वतीं देवीं महाभागां महेश्वरीम्। वन्दे श्वेतपद्मधरां विद्यानन्दप्रदायिनीम्॥९॥ यः सरस्वतीस्तोत्रमिदं भक्त्या पठेत् सदा। तस्य वाणी प्रवर्तेत कविराजसमा सदा॥

|| Shri Saraswati Stotram || Yaa Kundendu Tushaara Haara Dhavalaa Yaa Shubhra Vastraavritaa Yaa Veenaa Vara Danda Mandita Karaa Yaa Shveta Padmaasanaa | Yaa Brahma Achyuta Shankara Prabhritibhir Devaih Sadaa Poojitaa Saa Maam Paatu Sarasvatee Bhagavatee Nihshesha Jaadyaapahaa ||1|| Shuklaam Brahma Vichaara Saara Paramaam Aadyaam Jagad Vyaapineem Veenaa Pustaka Dhaarineem Abhaya Daam Jaadyaandhakaraapahaam | Haste Sphaatika Maalikaam Vidadhateem Padmaasane Samsthitaam Vande Taam Parameshvareem Bhagavateem Buddhi Pradaam Shaaradaam ||2|| Om Sarasvatee Mahaabhaage Vidye Kamala Lochane | Vishva Roope Vishaalaakshi Vidyaam Dehi Namostu Te ||3|| Padma Patra Vishaalaakshi Padma Kesara Varninee | Nityam Padmaalayaam Deveem Saa Maam Paatu Sarasvatee ||4|| Sarasvati Namastubhyam Varade Kaama Roopini | Vidyaarambham Karishyaami Siddhir Bhavatu Me Sadaa ||5|| Sarasvati Namastubhyam Sarva Devi Namo Namah | Shaanta Roope Shashi Dhare Sarva Yoge Namo Namah ||6|| Nityaanande Niraadhaare Nishkalaayai Namo Namah | Vidyaadhare Vishaalaakshi Shuddha Jnaane Namo Namah ||7|| Shuddha Sphatika Roopaayai Sookshma Roope Namo Namah | Shabda Brahma Svaroopaayai Namaste Vaagdevi Te ||8|| Mahaa Sarasvateem Deveem Mahaabhaagaam Maheshvareem | Vande Shveta Padma Dharaam Vidyaa Nanda Pradaayineem ||9|| Yah Sarasvatee Stotram Idam Bhaktyaa Pathet Sadaa | Tasya Vaanee Pravarteta Kavi Raaja Samaa Sadaa ||