Panchamukhi Hanuman Kavach

ॐ श्रीपंचमुखहनुमते नमः। अस्य श्रीपञ्चमुखीहनुमत्कवचस्तोत्रमन्त्रस्य ब्रह्मा ऋषिः। गायत्री छन्दः। पञ्चमुखवीरहनुमान् देवता। ॐ हरिमर्कटमर्कटाय बं बं बं बं बं वौषट् स्वाहा। पूर्वे हनुमान् मे रक्षेद्दक्षिणे नारसिंहकः। पश्चिमे गारुडो रक्षेदुत्तरे वाराहाननः॥१॥ ऊर्ध्वं हयग्रीवो रक्षेदधोभागे तु केसरी। एवं दशदिशो रक्षेत् पञ्चमुख्यो महाबलः॥२॥ पञ्चमुखो हनुमान् मे हृदये परिरक्षतु। मस्तकं कपिशार्दूलो ललाटे शत्रुसूदनः॥३॥ भ्रूमध्ये रक्षतु हरिः नासां चैव हनूमतः। मुखं रक्षतु वीरेशो कर्णौ पातु सुरार्चितः॥४॥ बाहू मे केसरिसुतो हस्तौ पातु महाबलः। वक्षः पातु महावीरो कुक्षिं पातु गणाग्रणीः॥५॥ नाभिं चैव कटिं चैव पार्श्वं पातु नरप्रियः। ऊरू गुह्यं तथा जानू जङ्घे पादौ तथैव च॥६॥ रक्षेत् सर्वात्मना वीरः पञ्चमुख्यो महाबलः। सर्वरोगहरं सर्वभयघ्नं सर्वकामदम्॥७॥ इदं कवचमज्ञात्वा मन्त्रं यः सिद्धिमिच्छति। तस्य सिद्धिर्न जायेत कल्पकोटिशतैरपि॥८॥