Sankat Mochan Hanuman Ashtakam

॥ श्री संकटमोचन हनुमान अष्टकम् ॥ बालसमय रवि भक्षि लियो तब तीनहुँ लोक भयो अँधियारो। ताहि सों त्रास भयो जग को यह संकट काहु सों जात न टारो। देवन आनि करी बिनती तब छाड़ि दियो रवि कष्ट निवारो। को नहिं जानत है जग में कपि संकटमोचन नाम तिहारो॥१॥ बालि की त्रास कपीस बसै गिरि जात महाप्रभु पन्थ निहारो। चौंकि महामुनि साप दियो तब चाहिय कौन बिचार बिचारो। कैद्धों हनुमान सों पाइय संजीवनी लाय सुकृत्य बिचारो। को नहिं जानत है जग में कपि संकटमोचन नाम तिहारो॥२॥ अंगद के संग लेन गए सिय खोज कपीस यह बैन उचारो। जीवत ना बचिहो हम सों जु बिना सुधि लाए इहाँ पगु धारो। हेरि थके तट सिन्धु सबै तब लायसि सिय-सुधि प्रान उबारो। को नहिं जानत है जग में कपि संकटमोचन नाम तिहारो॥३॥ रावन त्रास दई सिय को सब राक्षसि सों कहि शोक निवारो। ताहि समय हनुमान महाप्रभु जाय महा रजनीचर मारो। चाहत सीय असोक वटिका में आगि सू लागि जरै यह सारो। को नहिं जानत है जग में कपि संकटमोचन नाम तिहारो॥४॥ बान लग्यो उर लक्ष्मण के तब प्रान तजे सुत रावन मारो। लै गृह बैद्य सुषेन समेत तबै गिरि द्रोण सु बीर उपारो। आनि सजीवन हाथ दई तब लक्ष्मण के तुम प्रान उबारो। को नहिं जानत है जग में कपि संकटमोचन नाम तिहारो॥५॥ रावन जुद्ध अजान कियो तब नाग कि फाँस सबै सिर डारो। श्रीरघुनाथ समेत सबै दल मोह भयो यह संकट भारो। आनि खगेश तबै हनुमान जु बन्धन काटि सुत्रास निवारो। को नहिं जानत है जग में कपि संकटमोचन नाम तिहारो॥६॥ बन्धु समेत जबै अहिरावन लै रघुनाथ पाताल सिधारो। देबिहिं पूजि भली बिधि सों बलि देउ सबै मिलि मंत्र बिचारो। जाय सहाय भयो तब ही अहिरावन सैन्य समेत संहारो। को नहिं जानत है जग में कपि संकटमोचन नाम तिहारो॥७॥ काज किये बड़ देवन के तुम बीर महाप्रभु देखि बिचारो। कौन सो संकट मोर गरीब को जो तुमसों नहिं जात है टारो। बेगि हरो हनुमान महाप्रभु जो कछु संकट होय हमारो। को नहिं जानत है जग में कपि संकटमोचन नाम तिहारो॥८॥

|| Shri Sankat Mochan Hanuman Ashtakam || Baala Samay Ravi Bhakshi Liyo Tab Teenahun Lok Bhayo Andhiyaaro | Taahi Son Traas Bhayo Jag Ko Yah Sankat Kaahu Son Jaat Na Taaro | Devan Aani Kari Binatee Tab Chhaadi Diyo Ravi Kasht Nivaaro | Ko Nahin Jaanat Hai Jag Mein Kapi Sankat Mochan Naam Tihaaro ||1|| Baali Ki Traas Kapees Basai Giri Jaat Mahaaprabhu Panth Nihaaro | Chaunki Mahaamuni Saap Diyo Tab Chaahiy Kaun Bichaar Bichaaro | Kaiddho Hanumaan Son Paaiy Sanjeevani Laay Sukritya Bichaaro | Ko Nahin Jaanat Hai Jag Mein Kapi Sankat Mochan Naam Tihaaro ||2|| Angad Ke Sang Len Gaye Siy Khoj Kapees Yah Bain Uchaaro | Jeevat Naa Bachiho Ham Son Ju Binaa Sudhi Laaye Ihaan Pagu Dhaaro | Heri Thake Tat Sindhu Sabai Tab Laayasi Siy Sudhi Praan Ubaaro | Ko Nahin Jaanat Hai Jag Mein Kapi Sankat Mochan Naam Tihaaro ||3|| Raavan Traas Daee Siy Ko Sab Raakshasi Son Kahi Shok Nivaaro | Taahi Samay Hanumaan Mahaaprabhu Jaay Mahaa Rajaneechar Maaro | Chaahat Seey Ashok Vatikaa Mein Aagi Soo Laagi Jarai Yah Saaro | Ko Nahin Jaanat Hai Jag Mein Kapi Sankat Mochan Naam Tihaaro ||4|| Baan Lagyo Ur Lakshman Ke Tab Praan Taje Sut Raavan Maaro | Lai Grih Baidya Sushen Samet Tabai Giri Dron Su Beer Upaaro | Aani Sajeevan Haath Daee Tab Lakshman Ke Tum Praan Ubaaro | Ko Nahin Jaanat Hai Jag Mein Kapi Sankat Mochan Naam Tihaaro ||5|| Raavan Juddh Ajaan Kiyo Tab Naag Ki Phaans Sabai Sir Daaro | Shree Raghunaath Samet Sabai Dal Moh Bhayo Yah Sankat Bhaaro | Aani Khagesh Tabai Hanumaan Ju Bandhan Kaati Sutraas Nivaaro | Ko Nahin Jaanat Hai Jag Mein Kapi Sankat Mochan Naam Tihaaro ||6|| Bandhu Samet Jabai Ahiraavan Lai Raghunaath Paataal Sidhaaro | Debihin Pooji Bhalee Bidhi Son Bali Deu Sabai Mili Mantra Bichaaro | Jaay Sahaay Bhayo Tab Hi Ahiraavan Sainya Samet Sanhaaro | Ko Nahin Jaanat Hai Jag Mein Kapi Sankat Mochan Naam Tihaaro ||7|| Kaaj Kiye Bad Devan Ke Tum Beer Mahaaprabhu Dekhi Bichaaro | Kaun So Sankat Mor Gareeb Ko Jo Tumson Nahin Jaat Hai Taaro | Begi Haro Hanumaan Mahaaprabhu Jo Kachhu Sankat Hoy Hamaaro | Ko Nahin Jaanat Hai Jag Mein Kapi Sankat Mochan Naam Tihaaro ||8||