Krishna Ashtakam

वसुदेवसुतं देवं कंसचाणूरमर्दनम्। देवकीपरमानन्दं कृष्णं वन्दे जगद्गुरुम्॥१॥ अतसीपुष्पसंकाशं हारनूपुरशोभितम्। रत्नकङ्कणकेयूरं कृष्णं वन्दे जगद्गुरुम्॥२॥ कुटिलालकसंयुक्तं पूर्णचन्द्रनिभाननम्। विलसत्कुण्डलधरं कृष्णं वन्दे जगद्गुरुम्॥३॥ मन्दारगन्धसंयुक्तं चारुहासं चतुर्भुजम्। बर्हिपिञ्छावचूडाङ्गं कृष्णं वन्दे जगद्गुरुम्॥४॥ उत्फुल्लपद्मपत्राक्षं नीलजीमूतसन्निभम्। यादवानां शिरोरत्नं कृष्णं वन्दे जगद्गुरुम्॥५॥ रुक्मिणीकेलिसंयुक्तं पीताम्बरसुशोभितम्। अवाप्ततुलसीगन्धं कृष्णं वन्दे जगद्गुरुम्॥६॥ गोपिकानां कुचद्वन्द्वकुङ्कुमाङ्कितवक्षसम्। श्रीनिकेतं महेष्वासं कृष्णं वन्दे जगद्गुरुम्॥७॥ श्रीवत्साङ्कं महोरस्कं वनमालाविराजितम्। शङ्खचक्रधरं देवं कृष्णं वन्दे जगद्गुरुम्॥८॥ कृष्णाष्टकमिदं पुण्यं प्रातरुत्थाय यः पठेत्। कोटिजन्मकृतं पापं स्मरणेन विनश्यति॥

Vasudevasutam Devam Kamsa Chanura Mardanam Devaki Paramanandm Krishnam Vande Jagadgurum ||1|| Atasee Pushpa Sankasham Hara Nupura Shobhitam Ratna Kankana Keyuram Krishnam Vande Jagadgurum ||2|| Kutilalaka Samyuktam Purna Chandra Nibhananam Vilasatkundala Dharam Krishnam Vande Jagadgurum ||3|| Mandara Gandha Samyuktam Charu Hasam Chaturbhujam Barhi Pinchava Chudangam Krishnam Vande Jagadgurum ||4|| Utphulla Padma Patrakksham Neela Jeemuuta Sannibham Yadavanam Shiroratnam Krishnam Vande Jagadgurum ||5|| Rukminee Keli Samyuktam Peetambara Sushobhitam Avapta Tulasee Gandham Krishnam Vande Jagadgurum ||6|| Gopikanam Kuchadvandva Kumkumankita Vakshasam Shri Niketam Maheshvasam Krishnam Vande Jagadgurum ||7|| Shrivatsankam Mahoraskam Vanamala Virajitam Shankha Chakra Dharam Devam Krishnam Vande Jagadgurum ||8|| Krishnashtakam Idam Punyam Pratar Utthaya Yah Pathet Koti Janma Kritam Papam Smaranena Vinashyati ||