Kanakadhara Stotram

अङ्गं हरेः पुलकभूषणमाश्रयन्ती भृङ्गाङ्गनेव मुकुलाभरणं तमालम्। अङ्गीकृताखिलविभूतिरपाङ्गलीला माङ्गल्यदाऽस्तु मम मङ्गलदेवतायाः॥१॥ मुग्धा मुहुर्विदधती वदने मुरारेः प्रेमत्रपाप्रणिहितानि गतागतानि। माला दृशोर्मधुकरीव महोत्पले या सा मे श्रियं दिशतु सागरसम्भवायाः॥२॥ आमीलिताक्षमधिगम्य मुदा मुकुन्दम् आनन्दकन्दमनिमेषमनङ्गतन्त्रम्। आकेकरस्थितकनीनिकपक्ष्मनेत्रं भूत्यै भवेन्मम भुजङ्गशयाङ्गनायाः॥३॥ बाह्वन्तरे मधुजितः श्रितकौस्तुभे या हारावलीव हरिनीलमयी विभाति। कामप्रदा भगवतोऽपि कटाक्षमाला कल्याणमावहतु मे कमलालयायाः॥४॥ कालाम्बुदालिललितोरसि कैटभारेः धाराधरे स्फुरति या तडिदङ्गनेव। मातुः समस्तजगतां महनीयमूर्तिः भद्राणि मे दिशतु भार्गवनन्दनायाः॥५॥ प्राप्तं पदं प्रथमतः किल यत्प्रभावात् माङ्गल्यभाजि मधुमाथिनि मन्मथेन। मय्यापतेत्तदिह मन्थरमीक्षणार्धं मन्दालसं च मकरालयकन्यकायाः॥६॥ विश्वामरेन्द्रपदविभ्रमदानदक्षम् आनन्दहेतुरधिकं मुरविद्विषोऽपि। ईषन्निषीदतु मयि क्षणमीक्षणार्धम् इन्दीवरोदरसहोदरमिन्दिरायाः॥७॥ इष्टा विशिष्टमतयोऽपि यया दयार्द्र- दृष्ट्या त्रिविष्टपपदं सुलभं लभन्ते। दृष्टिः प्रहृष्टकमलोदरदीप्तिरिष्टां पुष्टिं कृषीष्ट मम पुष्करविष्टरायाः॥८॥ दद्याद्दयानुपवनो द्रविणाम्बुधारां अस्मिन्नकिञ्चनविहङ्गशिशौ विषण्णे। दुष्कर्मघर्ममपनीय चिराय दूरं नारायणप्रणयिनीनयनाम्बुवाहः॥९॥ गीर्देवतेति गरुडध्वजसुन्दरीति शाकम्भरीति शशिशेखरवल्लभेति। सृष्टिस्थितिप्रलयकेलिषु संस्थितायै तस्यै नमस्त्रिभुवनैकगुरोस्तरुण्यै॥१०॥ श्रुत्यै नमोऽस्तु शुभकर्मफलप्रसूत्यै रत्यै नमोऽस्तु रमणीयगुणार्णवायै। शक्त्यै नमोऽस्तु शतपत्रनिकेतनायै पुष्ट्यै नमोऽस्तु पुरुषोत्तमवल्लभायै॥११॥ नमोऽस्तु नालीकनिभाननायै नमोऽस्तु दुग्धोदधिजन्मभूम्यै। नमोऽस्तु सोमामृतसोदरायै नमोऽस्तु नारायणवल्लभायै॥१२॥ नमोऽस्तु हेमाम्बुजपीठिकायै नमोऽस्तु भूमण्डलनायिकायै। नमोऽस्तु देवादिदयापरायै नमोऽस्तु शार्ङ्गायुधवल्लभायै॥१३॥ नमोऽस्तु देव्यै भृगुनन्दनायै नमोऽस्तु विष्णोरुरसि स्थितायै। नमोऽस्तु लक्ष्म्यै कमलालयायै नमोऽस्तु दामोदरवल्लभायै॥१४॥ नमोऽस्तु कान्त्यै कमलेक्षणायै नमोऽस्तु भूत्यै भुवनप्रसूत्यै। नमोऽस्तु देवादिभिरर्चितायै नमोऽस्तु नन्दात्मजवल्लभायै॥१५॥ सम्पत्करीणी सकलेन्द्रियनन्दिनीं सम्राज्यदानविभवां परमेश्वरीम्। त्वां नौमि देवि कनकधारां लक्ष्मीं सदा प्रेरय शुभ्रगन्धाम्॥१६॥ सरसिजनिलये सरोजहस्ते धवलतमांशुकगन्धमाल्यशोभे। भगवति हरिवल्लभे मनोज्ञे त्रिभुवनभूतिकरि प्रसीद मह्यम्॥१७॥ दिग्घस्तिभिः कनककुम्भमुखावसृष्ट- स्वर्वाहिनीविमलचारुजलप्लुताङ्गीम्। प्रातर्नमामि जगतां जननीमशेष- लोकाधिनाथगृहिणीममृताब्धिपुत्रीम्॥१८॥ कमले कमलाक्षवल्लभे त्वं करुणापूरतरङ्गितैरपाङ्गैः। अवलोकय मामकिञ्चनानां प्रथमं पात्रमकृत्रिमं दयायाः॥१९॥ स्तुवन्ति ये स्तुतिभिरमूभिरन्वहं त्रयीमयीं त्रिभुवनमातरं रमाम्। गुणाधिका गुरुतरभाग्यभागिनो भवन्ति ते भुवि बुधभाविताशयाः॥२०॥ ॥ इति श्रीमच्छङ्कराचार्यविरचितं कनकधारास्तोत्रं सम्पूर्णम् ॥

Angam Hareh Pulakabhushana Mashrayanti Bhringanganeva Mukulabharanam Tamalam Angikritakhila Vibhutir Apanga Leela Mangalyadastu Mama Mangala Devatayah ||1|| Mugdha Muhur Vidadhati Vadane Murareh Prematrapapranihitani Gatagatani Mala Drishor Madhukareeva Mahotpale Ya Sa Me Shriyam Dishatu Sagara Sambhavayah ||2|| Amilitaksham Adhigamya Muda Mukundam Anandakandam Animesham Ananga Tantram Akekarasthita Kaneenika Pakshma Netram Bhutyai Bhaven Mama Bhujanga Shayanganayah ||3|| Bahvantare Madhujitah Shrita Kaustubhe Ya Haravaleeva Harineelamayee Vibhati Kamaprada Bhagavato Api Katakshamala Kalyanam Avahatu Me Kamalaalayaayah ||4|| Kalambuda Lila Litora Si Kaitabhareh Dharadhare Sphurati Ya Tadid Anganeva Matuh Samasta Jagatam Mahaneeya Murtih Bhadrani Me Dishatu Bhargava Nandanayah ||5|| Praptam Padam Prathamatah Khalu Yat Prabhavat Mangalyabhaji Madhumathini Manmathena Mayyapatet Tadiha Mantharam Eekshanardham Mandalasam Cha Makaralaya Kanyakayah ||6|| Vishvamarendra Pada Vibhrama Dana Daksham Anandahetur Adhikam Muravidvisho Api Eeshan Nisheedatu Mayi Kshnam Eekshanardham Indeevaroda Rasahodaram Indirayah ||7|| Ishta Vishishtamatayo Api Yaya Dayardra Drishtya Trivishtapapadam Sulabham Labhante Drishtih Prahrishta Kamalodara Deeptir Ishtam Pushtim Krishishta Mama Pushkara Vishtarayah ||8|| Dadyad Dayanupavano Dravinambudharam Asminn Akinchan Vihanga Shishau Vishanne Dushkarma Gharmam Apaneeya Chiraya Dooaram Narayana Pranayinee Nayanambuvahah ||9|| Geerdevateti Garuda Dhvaja Sundariti Shakambhariti Shashishekhara Vallabheti Srishti Sthiti Pralaya Kelishu Samsthitayai Tasyai Namas Tribhuvanaika Gurostarunyai ||10|| Shrutyai Namostu Shubha Karma Phala Prasutyai Ratyai Namostu Ramaneeya Gunarnavayai Shaktyai Namostu Shatapatra Niketanayai Pushtyai Namostu Purushottama Vallabhayai ||11|| Namostu Naleeka Nibhananayai Namostu Dugdhodadhi Janmabhumyai Namostu Somamrita Sodarayai Namostu Narayana Vallabhayai ||12|| Namostu Hemambuja Peethikayai Namostu Bhumandala Nayikayai Namostu Devadi Daya Parayai Namostu Sharnagayudha Vallabhayai ||13|| Namostu Devyai Bhrigu Nandanayai Namostu Vishnor Urasi Sthitayai Namostu Lakshmyai Kamalaalayai Namostu Damodara Vallabhayai ||14|| Namostu Kantyai Kamalekshanayai Namostu Bhutyai Bhuvana Prasutyai Namostu Devadibhir Architayai Namostu Nandatmaja Vallabhayai ||15|| Sampatkarineem Sakalendriyanandini Samrajyadana Vibhavam Parameshvareem Tvam Naumi Devi Kanakadharaam Lakshmi Sada Preraya Shubhragandhaam ||16|| Sarasija Nilaye Saroja Haste Dhavalatamaamsuka Gandhamalya Shobhe Bhagavati Harivallabhe Manojne Tribhuvana Bhutikari Praseeda Mahyam ||17|| Dighastibbhih Kanaka Kumbha Mukhaavasrishta Svarvahinee Vimala Charu Jala Plutangeem Pratar Namami Jagatam Jananeemasesha Lokadhinatha Grihineem Amritabdhi Putreem ||18|| Kamale Kamalaksha Vallabhe Tvam Karunapura Tarangitair Apangaih Avalokaya Mam Akinchanaanam Prathamam Patram Akritrimam Dayayah ||19|| Stuvanti Ye Stutibhir Amoobhir Anvaham Trayeemayeem Tribhuvana Mataram Ramaam Gunadhika Gurutara Bhagya Bhagino Bhavanti Te Bhuvi Budha Bhavitashayah ||20|| || Iti Shreemach Chankaracharya Virachitam Kanakadhara Stotram Sampoornam ||