Ram Raksha Stotram

॥ अथ श्रीरामरक्षास्तोत्रम् ॥ ॐ अस्य श्रीरामरक्षास्तोत्रमन्त्रस्य बुधकौशिक ऋषिः। श्रीसीतारामचन्द्रो देवता। अनुष्टुप् छन्दः। सीता शक्तिः। श्रीमद्धनुमान् कीलकम्। श्रीरामचन्द्रप्रीत्यर्थे रामरक्षास्तोत्रजपे विनियोगः। चरितं रघुनाथस्य शतकोटिप्रविस्तरम्। एकैकमक्षरं पुंसां महापातकनाशनम्॥१॥ ध्यात्वा नीलोत्पलश्यामं रामं राजीवलोचनम्। जानकीलक्ष्मणोपेतं जटामुकुटमण्डितम्॥२॥ सासितूणधनुर्बाणपाणिं नक्तंचरान्तकम्। स्वलीलया जगत्रातुमाविर्भूतमजं विभुम्॥३॥ रामरक्षां पठेत्प्राज्ञः पापघ्नीं सर्वकामदाम्। शिरो मे राघवः पातु भालं दशरथात्मजः॥४॥ कौसल्येयो दृशौ पातु विश्वामित्रप्रियः श्रुती। घ्राणं पातु मखत्राता मुखं सौमित्रिवत्सलः॥५॥ जिह्वां विद्यानिधिः पातु कण्ठं भरतवन्दितः। स्कन्धौ दिव्यायुधः पातु भुजौ भग्नेशकार्मुकः॥६॥ करौ सीतापतिः पातु हृदयं जामदग्न्यजित्। मध्यं पातु खरध्वंसी नाभिं जाम्बवदाश्रयः॥७॥ सुग्रीवेशः कटी पातु सक्थिनी हनुमत्प्रभुः। ऊरू रघूत्तमः पातु रक्षःकुलविनाशकृत्॥८॥ जानुनी सेतुकृत्पातु जङ्घे दशमुखान्तकः। पादौ विभीषणश्रीदः पातु रामोऽखिलं वपुः॥९॥ एतां रामबलोपेतां रक्षां यः सुकृती पठेत्। स चिरायुः सुखी पुत्री विजयी विनयी भवेत्॥१०॥ पातालभूतलव्योमचारिणश्छद्ममूर्तयः। न द्रष्टुमपि शक्तास्ते रक्षितं रामनामभिः॥११॥ रामेति रामभद्रेति रामचन्द्रेति वा स्मरन्। नरो न लिप्यते पापैर्भुक्तिं मुक्तिं च विन्दति॥१२॥ जगज्जैत्रैकमन्त्रेण रामनाम्नाभिरक्षितम्। यः कण्ठे धारयेत्तस्य करस्थाः सर्वसिद्धयः॥१३॥ वज्रपञ्जरनामेदं यो रामकवचं स्मरेत्। अव्याहताज्ञः सर्वत्र लभते जयमङ्गलम्॥१४॥ आदिष्टवान् यथा स्वप्ने रामरक्षामिमां हरः। तथा लिखितवान् प्रातः प्रबुद्धो बुधकौशिकः॥१५॥ आरामः कल्पवृक्षाणां विरामः सकलापदाम्। अभिरामस्त्रिलोकानां रामः श्रीमान् स नः प्रभुः॥१६॥ तरुणौ रूपसम्पन्नौ सुकुमारौ महाबलौ। पुण्डरीकविशालाक्षौ चीरकृष्णाजिनाम्बरौ॥१७॥ फलमूलाशिनौ दान्तौ तापसौ ब्रह्मचारिणौ। पुत्रौ दशरथस्यैतौ भ्रातरौ रामलक्ष्मणौ॥१८॥ शरण्यौ सर्वसत्त्वानां श्रेष्ठौ सर्वधनुष्मताम्। रक्षःकुलनिहन्तारौ त्रायेतां नो रघूत्तमौ॥१९॥ आत्तसज्जधनुषाविषुस्पृशावक्षयाशुगनिषङ्गसङ्गिनौ। रक्षणाय मम रामलक्ष्मणावग्रतः पथि सदैव गच्छताम्॥२०॥ सन्नद्धः कवची खड्गी चापबाणधरो युवा। गच्छन् मनोरथान्नश्च रामः पातु सलक्ष्मणः॥२१॥ रामो दाशरथिः शूरो लक्ष्मणानुचरो बली। काकुत्स्थः पुरुषः पूर्णः कौसल्येयो रघूत्तमः॥२२॥ वेदान्तवेद्यो यज्ञेशः पुराणपुरुषोत्तमः। जानकीवल्लभः श्रीमानप्रमेयपराक्रमः॥२३॥ इत्येतन्नामभिर्दिव्यैरामस्य परमात्मनः। मङ्गलानि परं वक्ष्ये पदानि दिव्यानि। ततो रामं प्रणम्याथ यथाशक्ति जपेदिदम्। रामरक्षामिमां दिव्यां यः पठेत्प्रयतः पुमान्। स चिरायुः सुखी पुत्री सर्वमुक्तः सुखी भवेत्॥ ॥ इति श्रीबुधकौशिकविरचितं श्रीरामरक्षास्तोत्रं सम्पूर्णम् ॥

|| Atha Sri Rama Raksha Stotram || Om Asya Sri Rama Raksha Stotra Mantrasya Budha Kaushika Rishih Sri Sita Ramachandro Devata Anushtup Chhandah Sita Shaktih Shreemad Hanuman Keelakam Sri Ramachandra Preety Arthe Rama Raksha Stotra Jape Viniyogah Charitam Raghunatasya Shatakoti Pravistaram Ekaikam Aksharam Pumsam Mahapataka Nashanam ||1|| Dhyatva Neelotpala Shyamam Ramam Rajeeva Lochanam Janaki Lakshmano Petam Jata Mukuta Manditam ||2|| Sasituna Dhanur Bana Panim Naktam Charantakam Svaleelaya Jagatratum Avirbutam Ajam Vibhum ||3|| Rama Raksham Pathet Prajnah Papaghnim Sarva Kamadam Shiro Me Raghavah Patu Bhalam Dasharathatmajah ||4|| Kausalyeyo Drishau Patu Vishvamitra Priyah Shrutee Ghranam Patu Makhatrata Mukham Saumitri Vatsalah ||5|| Jihvam Vidyanidhi Patu Kantham Bharata Vanditah Skandhau Divyayudhah Patu Bhujau Bhagneshakarmukah ||6|| Karau Sitapatih Patu Hridayam Jamadagnyajit Madhyam Patu Kharadhvamsi Nabhim Jambavad Ashrayah ||7|| Sugriveshaha Kati Patu Sakthini Hanumat Prabhuh Uru Raghuttamah Patu Rakshah Kula Vinashakrit ||8|| Januni Setukrit Patu Janghe Dashamukhantakah Padau Vibhishana Shridah Patu Ramo Akhilam Vapuh ||9|| Etam Rama Balopetam Raksham Yah Sukriti Pathet Sa Chirayuh Sukhi Putri Vijayi Vinayi Bhavet ||10|| Patala Bhutala Vyoma Charinash Chhadma Murtayah Na Drashtum Api Shaktaste Rakshitam Rama Namabhih ||11|| Rameti Ramabhadreti Ramachandreti Va Smaran Naro Na Lipyate Papair Bhuktim Muktim Cha Vindati ||12|| Jagajjaitraika Mantrena Rama Namnabhi Rakshitam Yah Kanthe Dharayet Tasya Karasthah Sarva Siddhayah ||13|| Vajrapanjaranamedam Yo Rama Kavacham Smaret Avyahatajnah Sarvatra Labhate Jaya Mangalam ||14|| Adishtavan Yatha Svapne Rama Raksham Imam Harah Tatha Likhitavan Pratah Prabuddho Budha Kaushikah ||15|| Aramah Kalpavrkshanam Viramah Sakaalapadam Abhiramas Trilokanam Ramah Shriman Sa Nah Prabhuh ||16|| Tarunau Rupa Sampannau Sukumarau Mahabalau Pundarika Vishalakshau Chira Krishna Jinaambarau ||17|| Phala Mulashinau Dantau Tapasau Brahmacharinau Putrau Dasharathasyaitau Bhratarau Rama Lakshmanau ||18|| Sharanyau Sarva Sattvanam Shreshthau Sarva Dhanushmatam Rakshah Kula Nihantarau Trayetam No Raghuttamau ||19|| Atta Sajja Dhanushavi Shusprishav Akshayashuga Nishanga Sanginau Rakshanaya Mama Rama Lakshmanav Agratah Pathi Sadaiva Gachchhatam ||20|| Sannaddhah Kavachi Khadgi Chapa Bana Dharo Yuva Gachchhan Manorathan Nashcha Ramah Patu Salaksmanah ||21|| Ramo Dasharathih Shuro Lakshmana Nucharo Bali Kakutsthah Purushah Purnah Kausalyeyo Raghuttamah ||22|| Vedanta Vedyo Yajneshah Purana Purushottamah Janaki Vallabhah Shriman Aprameya Parakramah ||23|| Ityetan Namabhir Divyai Ramasya Paramatmanah Mangalani Param Vakshye Padani Divyani Tato Ramam Pranamyatha Yathashakti Japed Idam Rama Raksham Imam Divyam Yah Pathet Prayatah Puman Sa Chirayuh Sukhi Putri Sarvamuktah Sukhi Bhavet || Iti Sri Budha Kaushika Virachitam Sri Rama Raksha Stotram Sampoornam ||